ആപ്പ് ഇൻസ്റ്റാളേഷൻ അനുഭവം മെച്ചപ്പെടുത്തുന്ന ഒരു പുതിയ ഫീച്ചർ ഗൂഗിൾ പ്ലേ സ്റ്റോർ പുറത്തിറക്കിയേക്കുമെന്ന്  റിപ്പോർട്ട്. 'ഓട്ടോ-ഓപ്പൺ' എന്ന് വിളിക്കപ്പെടുന്ന ഈ സവിശേഷത, പ്ലേ സ്റ്റോറിൽ നിന്ന് ഏതെങ്കിലും ആപ്പ് ഇൻസ്റ്റാൾ ചെയ്തതിന് ശേഷം ആൻഡ്രോയിഡ് സ്മാർട്ട്‌ഫോണിൽ ആപ്പുകൾ സ്വയമേവ തുറക്കും. ഇത് ഇൻസ്റ്റാൾ ചെയ്ത ആപ്പ് തിരയേണ്ടതിൻ്റെ ആവശ്യകത ഇല്ലാതാക്കുന്നു. 

അടുത്തിടെ ഒരേ സമയം മൂന്ന് ആപ്പ് ഡൗണ്‍ലോഡുകളോ അപ്‌ഡേറ്റുകളോ പ്രാപ്‌തമാക്കുന്ന പ്ലാറ്റ്‌ഫോം അവതരിപ്പിച്ച ഗൂഗിള്‍ പ്ലേ സ്റ്റോർ അതിന്റെ അടിസ്ഥനത്തില്‍ തന്നെ അടുത്ത മാറ്റത്തിന് ഒരുങ്ങുന്നതായാണ് റിപ്പോർട്ട് സൂചിപ്പിക്കുന്നത്.

പുറത്ത് വന്ന ഒരു റിപ്പോർട്ടില്‍, ആൻഡ്രോയിഡ് അതോറിറ്റി, ടിപ്‌സ്റ്റർ അസംബിള്‍ ഡീബഗുമായി സഹകരിച്ച്‌, ഈ പറഞ്ഞ ഫീച്ചറിനെ കുറിച്ചുള്ള വിവരങ്ങള്‍ വെളിപ്പെടുത്തി. ഇത് ഉടൻ തന്നെ ഔദ്യോഗികമായി പ്രഖ്യാപിക്കുമെന്ന് സൂചിപ്പിക്കുന്നു. ജൂണില്‍ ഗൂഗിള്‍ പ്ലേ സ്‌റ്റോറിൻ്റെ ആദ്യ വേർഷനില്‍ ഈ ഫീച്ചർ ടെസ്റ്റിംഗിലാണെന്ന് ആണ് ആദ്യം റിപ്പോർട്ട് ചെയ്തത്.

ഗൂഗിള്‍ പ്ലേ സ്റ്റോർ ആപ്പ് പതിപ്പ് 42.5.15ൻ്റെ APK പരിശോധിച്ചതിനെ തുടർന്നാണ് ഈ സമീപകാല കണ്ടെത്തല്‍ നടന്നതെന്ന് റിപ്പോർട്ടുണ്ട്. ഇത് ഇത് വരെ പൊതുജനങ്ങള്‍ക്ക് ലഭ്യമല്ല. ഗൂഗിൾ പ്ലേ സ്‌റ്റോറിലെ ഇൻസ്‌റ്റാൾ ഓപ്‌ഷനു താഴെ ദൃശ്യമാകുന്ന പുതിയ ഓട്ടോമാറ്റിക്കലി ഓപ്പൺ ഓഫ് ഇൻസ്‌റ്റാൾ ഓപ്‌ഷനാണ് ഈ ഫീച്ചർ ട്രിഗർ ചെയ്‌തതെന്ന് പറയപ്പെടുന്നു.

ആപ്പിൻ്റെ ഡൗണ്‍ലോഡും ഇൻസ്റ്റാളേഷനും പൂർത്തിയായി കഴിഞ്ഞാല്‍, സവിശേഷത ഓട്ടോമാറ്റിക്ക് ഓപ്പണിംഗ് പ്രവർത്തനത്തെ ട്രിഗർ ചെയ്യുന്നു. ഒരു ടോഗിള്‍ ഉള്ളതിനാല്‍, ഉപയോക്താക്കള്‍ക്ക് അത് പ്രവർത്തനരഹിതമാക്കാനുള്ള ഓപ്ഷൻ ഉണ്ട്. എല്ലാ ആൻഡ്രോയിഡ് സ്‌മാർട്ട്‌ഫോണ്‍ ഉപയോക്താക്കള്‍ക്കും ഉടൻ തന്നെ ഈ ഫീച്ചർ ലഭ്യമാകുമെന്ന് റിപ്പോർട്ട് അവകാശപ്പെടുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്