-20260913032423.jpg)
ന്യൂയോർക്ക്: യു.എസ് ഓപ്പൺ വനിതാ സിംഗിൾസ് ഫൈനലിൽ നിലവിലെ ചാമ്പ്യനും ബെലാറസ് താരവുമായ ആര്യന സബലെങ്കയെ കീഴടക്കി കസാഖിസ്ഥാന്റെ എലേന റൈബക്കിന ചാമ്പ്യനായി.
മൂന്ന് സെറ്റ് നീണ്ട പോരാട്ടത്തിൽ 6-4, 5-7, 6-2 എന്ന സ്കോറിനാണ് റൈബക്കിന വിജയം കൊയ്തത്. യു.എസ് ഓപ്പണിൽ തുടർച്ചയായി 19 മത്സരങ്ങൾ ജയിച്ചു കയറിയ സബലെങ്കയുടെ മുന്നേറ്റത്തിനാണ് റൈബക്കിന ഇതോടെ വിരാമമിട്ടത്.
കിരീടനേട്ടത്തോടെ റൈബക്കിന ഔദ്യോഗികമായി വനിതാ ടെന്നീസിലെ പുതിയ ലോക ഒന്നാം നമ്പറിലേക്ക് ഉയർന്നു. കസാഖിസ്ഥാനിൽ നിന്ന് ഈ പദവിയിലെത്തുന്ന ആദ്യ താരമാണ് റൈബക്കിന.
ടൂർണമെന്റിൽ സെമിഫൈനലിൽ എത്തിയപ്പോൾ തന്നെ സബലെങ്കയെ മറികടന്ന് ഒന്നാം റാങ്കിലെത്താനുള്ള പോയിന്റുകൾ ഇരുപത്തേഴുകാരിയായ റൈബക്കിന ഉറപ്പിച്ചിരുന്നു. പരിക്കിന്റെ ആശങ്കകളെ അതിജീവിച്ചെത്തിയ റൈബക്കിന, ഫൈനലിൽ 12 എയ്സുകൾ പായിച്ച് തകർപ്പൻ പ്രകടനമാണ് പുറത്തെടുത്തത്.
റൈബക്കിനയുടെ കരിയറിലെ മൂന്നാമത്തെ ഗ്രാൻഡ്സ്ലാം കിരീടമാണിത്. ഈ വർഷം ഓസ്ട്രേലിയൻ ഓപ്പൺ സ്വന്തമാക്കിയ താരം യു.എസ് ഓപ്പണിൽ തന്റെ കന്നി കിരീടമാണ് നേടുന്നത്. 2022-ൽ വിംബിൾഡൺ ജേതാവായ റൈബക്കിനയ്ക്ക് ഇനി ഫ്രഞ്ച് ഓപ്പൺ കൂടി സ്വന്തമാക്കിയാൽ കരിയർ ഗ്രാൻഡ്സ്ലാം തികയ്ക്കാനാകും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260913033941.jpg)
-20260913032423.jpg)
-20260911031001.jpg)
-20260909100346.jpg)
