യുവേഫ ചാമ്പ്യൻസ് ലീഗ് സീസണിലെ ആദ്യ മത്സരത്തിൽ മാഞ്ചസ്റ്റർ യുണൈറ്റഡിന് തകർപ്പൻ ജയം. അസർബൈജാൻ ക്ലബ്ബായ സബ്ബാഹ് എഫ്കെയെ എതിരില്ലാത്ത 4 ഗോളുകൾക്കാണ് യുണൈറ്റഡ് പരാജയപ്പെടുത്തിയത്. 3 വർഷത്തെ കാത്തിരിപ്പിന് ശേഷമാണ് മാഞ്ചസ്റ്റർ യുണൈറ്റഡ് ചാമ്പ്യൻസ് ലീഗ് പോരാട്ടങ്ങളിലേക്ക് തിരിച്ചെത്തുന്നത്.
മത്സരത്തിന്റെ 26-ാം മിനിറ്റിൽ മാത്യൂസ് കുഞ്ഞയിലൂടെയാണ് യുണൈറ്റഡ് ആദ്യ ഗോൾ കണ്ടെത്തിയത്. ഇടതു വിങ്ങിൽ നിന്ന് പാട്രിക് ഡോർഗു നൽകിയ മികച്ച പാസ് സ്വീകരിച്ചാണ് കുഞ്ഞ ഗോൾ വലയിലാക്കിയത്. ആദ്യ പകുതി അവസാനിക്കുന്നതിന് തൊട്ടുമുമ്പ് ക്യാപ്ടൻ ബ്രൂണോ ഫെർണാണ്ടസും ബെഞ്ചമിൻ ഷെസ്കോയും ഓരോ ഗോളുകൾ വീതം നേടിയതോടെ യുണൈറ്റഡ് 3-0 ന്റെ ലീഡ് നേടി.
രണ്ടാം പകുതിയിലും ആധിപത്യം തുടർന്ന യുണൈറ്റഡിനായി ലിസാൻഡ്രോ മാർട്ടിനസ് ഫ്രീ കിക്കിൽ നിന്ന് ലഭിച്ച അവസരം ഗോളാക്കി മാറ്റി വിജയം പൂർത്തിയാക്കുകയായിരുന്നു. പ്രീമിയർ ലീഗിലെ മോശം തുടക്കത്തിന് ശേഷം ചാമ്പ്യൻസ് ലീഗിൽ ലഭിച്ച ഈ വൻ വിജയം ക്ലബ്ബിന് വലിയ ആത്മവിശ്വാസം നൽകും. ഇംഗ്ലീഷ് പ്രീമിയർ ലീഗിലെ അടുത്ത മത്സരത്തിൽ ചിരവൈരികളായ മാഞ്ചസ്റ്റർ സിറ്റിയാണ് യുണൈറ്റഡിന്റെ എതിരാളികൾ.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260909100346.jpg)
-20260908031330.jpg)
