ഇതിഹാസങ്ങളുടെ പിൻഗാമികൾ! യൂറോപ്യൻ ഫുട്ബോൾ ഭരിക്കാൻ ഒരുങ്ങുന്ന ഏഴ് യുവ വിസ്മയങ്ങൾ

SEPTEMBER 9, 2026, 4:46 AM

യൂറോപ്യൻ ഫുട്ബോളിൽ പുതിയൊരു വിപ്ലവത്തിന് തിരികൊളുത്തിയിരിക്കുകയാണ് ഒരു കൂട്ടം യുവ വിസ്മയങ്ങൾ. ഫുട്ബോൾ മൈതാനങ്ങളിൽ ഇതിഹാസങ്ങളുടെ നിഴലിൽ നിന്ന് വളർന്ന് സ്വന്തം സാമ്രാജ്യം പടുത്തുയർത്താൻ ഒരുങ്ങുന്ന ഈ കൗമാര താരങ്ങൾ, വരാനിരിക്കുന്ന ചാമ്പ്യൻസ് ലീഗ് സീസണിന് മുന്നോടിയായി കായിക ലോകത്തിന്റെ മുഴുവൻ ശ്രദ്ധയും കവർന്നിരിക്കുകയാണ്. ഫുട്ബോൾ പ്രേമികളെ ആവേശത്തിലാഴ്ത്തുന്ന ഈ പുതിയ തരംഗത്തിൽ ഏറ്റവും മുന്നിൽ നിൽക്കുന്നത് ലിയോണൽ മെസ്സിയുടെ പോലും പ്രശംസ പിടിച്ചുപറ്റിയ പോർച്ചുഗീസ് താരം റോഡ്രിഗോ മോറയാണ്.

പതിനാറാം വയസ്സിൽ തന്നെ "പുതിയ മെസ്സി" എന്ന വിശേഷണം നേടിയ റോഡ്രിഗോ മോറ, നിലവിൽ ഇറ്റാലിയൻ ക്ലബ്ബായ റോമയുടെ പ്രധാന താരമാണ്. മുൻപ് ഇന്റർ മയാമിയും പോർട്ടോയും തമ്മിലുള്ള മത്സരത്തിനിടെ മോറയുടെ മിന്നൽ വേഗതയും പന്തടക്കവും കണ്ട് അത്ഭുതപ്പെട്ട ലിയോണൽ മെസ്സി, തന്റെ ജേഴ്സി കൈമാറുകയും ഭാവിയിലെ മികച്ച പത്ത് താരങ്ങളിൽ ഒരാളായി മോറയെ തിരഞ്ഞെടുക്കുകയും ചെയ്തിരുന്നു.

എന്നാൽ, തങ്ങൾക്ക് മെസ്സിയെപ്പോലൊരു താരം ഇല്ലാതെ പോയതിൽ ഖേദിക്കുന്നുവെന്ന് മോറ പറഞ്ഞത് സ്വന്തം രാജ്യമായ പോർച്ചുഗലിൽ ക്രിസ്റ്റ്യാനോ റൊണാൾഡോ ആരാധകരുടെ വലിയ വിമർശനങ്ങൾക്ക് വഴിവെച്ചിരുന്നു. എങ്കിലും ഫ്രാൻസെസ്കോ ടോട്ടി അടക്കമുള്ള ഇതിഹാസങ്ങൾ മോറയുടെ കളിമിടുക്കിനെ വാനോളം പുകഴ്ത്തുകയാണ്.

മോറയ്ക്ക് പുറമെ ലൂക്കാ മോഡ്രിച്ചിന്റെ പിൻഗാമിയായി വിശേഷിപ്പിക്കപ്പെടുന്ന കോമോയുടെ മാർട്ടിൻ ബറ്റൂരിനയും ഈ കുതിപ്പിൽ പ്രധാനിയാണ്. ക്രൊയേഷ്യൻ ദേശീയ ടീമിനായി തകർപ്പൻ പ്രകടനം പുറത്തെടുക്കുന്ന ഈ ഇരുപത്തിമൂന്നുകാരൻ, ദൂരക്കാഴ്ചയുള്ള പാസുകളിലൂടെയും ലോംഗ് റേഞ്ചർ ഷോട്ടുകളിലൂടെയും എതിരാളികൾക്ക് ഭീഷണിയാകുന്നു.

കൂടാതെ, ബൊറൂസിയ ഡോർട്മുണ്ടിന്റെ പതിനെട്ടുകാരൻ വിംഗ് വിസ്മയം കോൺസ്റ്റാന്റിനോസ് കരേറ്റ്സാസും യൂറോപ്പിൽ തരംഗം സൃഷ്ടിക്കുകയാണ്. ലളിതമായ കുടുംബ പശ്ചാത്തലത്തിൽ നിന്ന് വന്ന് സ്വന്തം പ്രതിഭയാൽ യൂറോപ്പിലെ വമ്പൻ ക്ലബ്ബുകളുടെ ശ്രദ്ധ പിടിച്ചുപറ്റാൻ ഈ യുവതാരത്തിന് സാധിച്ചു.

അറ്റാക്കിംഗ് താരങ്ങൾ മാത്രമല്ല, പ്രതിരോധ നിരയിലും പുതിയ തലമുറ തങ്ങളുടെ സാന്നിധ്യം ഉറപ്പിക്കുന്നുണ്ട്. ബാഴ്‌സലോണയുടെ പതിനെട്ടുകാരൻ ഫുൾബാക്ക് സാവി എസ്പാർട്ടിനെ ഫിലിപ്പ് ലാമിനോടാണ് പരിശീലകൻ ഹാൻസി ഫ്ലിക്ക് ഉപമിച്ചത്. ലെൻസിന്റെ യുവ ഡിഫെൻഡർ ഇസ്മായിലോ ഗാനിയോ, സ്‌പോർട്ടിങ് സിപിയുടെ സെനോ ഡിബാസ്റ്റ് എന്നിവരും പ്രതിരോധത്തിൽ പുതിയ ചരിത്രം കുറിക്കാൻ ഒരുങ്ങുന്നവരാണ്. ഇതിഹാസങ്ങളുടെ വിടവാങ്ങലിന് ശേഷം ഫുട്ബോൾ ലോകം ആരുടെ കൈകളിൽ സുരക്ഷിതമായിരിക്കും എന്ന ചോദ്യത്തിന് കൃത്യമായ മറുപടിയാണ് ഈ കൗമാര നിര നൽകുന്നത്.