അഭ്യന്തര ക്രിക്കറ്റിൽ മികച്ച ബൗളിംഗുമായി സച്ചിൻ ടെണ്ടുൽക്കറുടെ മകൻ അർജുൻ ടെണ്ടുൽക്കർ.

ഗോവയുടെ താരമായ അർജുൻ പ്രീ-സീസൺ പോരാട്ടമായ കെ. തിമ്മപ്പയ്യ സ്മാരക ടൂർണമെന്റിൽ 9 വിക്കറ്റുകൾ പിഴുതാണ് മികച്ച ഫോമിൽ പന്തെറിഞ്ഞത്. കർണാടക ക്രിക്കറ്റ് ഇലവനെതിരായ പോരാട്ടത്തിലാണ് താരത്തിന്റെ പ്രകടനം.

മത്സരത്തിൽ 26.3 ഓവറുകൾ പന്തെറിഞ്ഞ പേസ് ബൗളറായ അർജുൻ 87 റൺസ് വഴങ്ങി 9 വിക്കറ്റുകൾ വീഴ്ത്തി. ഒന്നാം ഇന്നിങ്‌സിൽ അഞ്ചും രണ്ടാം ഇന്നിങ്‌സിൽ നാലും വിക്കറ്റുകൾ വീഴ്ത്തി. താരത്തിന്റെ മികവിൽ ടീം 189 റൺസിന്റെ കൂറ്റൻ ജയവും പിടിച്ചു.

ഒന്നാം ഇന്നിങ്‌സിൽ കർണാടക 103 റൺസെടുത്ത് പുറത്തായി. അർജുൻ 41 റൺസ് വഴങ്ങി 5 വിക്കറ്റുകൾ നേടി. ഗോവ ഒന്നാം ഇന്നിങ്‌സിൽ 413 റൺസെടുത്തു. ഗോവയ്ക്കായി അഭിവ് തേജ്‌റാണ (109) സെഞ്ച്വറി നേടി. രണ്ടാം ഇന്നിങ്‌സിൽ കർണാടക നേടിയത് വെറും 121 റൺസ്. അർജുൻ 46 റൺസ് വഴങ്ങി വീഴ്ത്തിയത് 4 വിക്കറ്റുകൾ.

ആഭ്യന്തര ക്രിക്കറ്റിൽ 49 മത്സരങ്ങളാണ് 24കാരൻ ഇതുവരെ കളിച്ചത്. 68 വിക്കറ്റുകൾ നേടി. ഫസ്റ്റ് ക്ലാസിൽ 13 മത്സരങ്ങളിൽ നിന്ന് 21 വിക്കറ്റുകൾ നേട്ടം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്