വിക്ടോറിയാസ് സീക്രട്ടിന്റെ ആദ്യ ഇന്ത്യൻ ബ്രാൻഡ് അംബാസഡറായി തൃപ്തി ദിമ്രി

APRIL 13, 2026, 11:46 PM

പ്രശസ്ത അന്താരാഷ്ട്ര ബ്രാൻഡായ വിക്ടോറിയാസ് സീക്രട്ടിന്റെ ഇന്ത്യയിൽ നിന്നുള്ള ആദ്യ ഔദ്യോഗിക ബ്രാൻഡ് അംബാസഡറായി ബോളിവുഡ് നടി തൃപ്തി ദിമ്രി നിയമിതയായി. ഒരു ഇന്ത്യൻ താരത്തെ ബ്രാൻഡ് അംബാസഡറായി ഈ ലേബൽ ഔദ്യോഗികമായി നിയമിക്കുന്നത് ഇതാദ്യമായാണ്.

ഏപ്രിൽ 9നാണ് ഈ ചരിത്രപരമായ പ്രഖ്യാപനം ഉണ്ടായത്. ബ്രാൻഡിന്റെ പുതിയ 'സമ്മർ സിഗ്‌നേച്ചർ' ക്യാമ്പെയ്‌ന്റെ മുഖമായി തൃപ്തി എത്തും.

മുൻപ് വിക്ടോറിയാസ് സീക്രട്ട് ഫാഷൻ ഷോകളിൽ ഇന്ത്യൻ മോഡലുകൾ പ്രത്യക്ഷപ്പെട്ടിട്ടുണ്ടെങ്കിലും, ഔദ്യോഗിക അംബാസഡർ സ്ഥാനത്തേക്ക് ഒരു ഇന്ത്യൻ നടിയോ പ്രമുഖ വ്യക്തിയോ എത്തുന്നത് ആദ്യമാണ്.

ഇതൊരു 'സ്വപ്ന സാഫല്യം' ആണെന്നും തന്റെ കരിയറിലെ സുപ്രധാന നാഴികക്കല്ലാണെന്നും തൃപ്തി ദിമ്രി പറഞ്ഞു. ആത്മവിശ്വാസത്തിലും ആധികാരികതയിലും ഊന്നിയുള്ള ബ്രാൻഡിന്റെ പുതിയ സൗന്ദര്യ സങ്കല്പം തനിക്ക് പ്രിയപ്പെട്ടതാണെന്നും താരം കൂട്ടിച്ചേർത്തു.

'അനിമൽ' എന്ന ചിത്രത്തിലൂടെ വലിയ ജനപ്രീതി നേടിയ തൃപ്തിക്ക് ഈ നേട്ടം അന്താരാഷ്ട്ര തലത്തിൽ വലിയ ശ്രദ്ധ നേടിക്കൊടുക്കും.

പി പി ചെറിയാൻ