രോഹിത് ശർമ്മ വീണ്ടും അച്ഛനായി

NOVEMBER 16, 2024, 8:11 AM

മുംബൈ: ഇന്ത്യൻ ക്രിക്കറ്റ് ടീം ക്യാപ്റ്റൻ രോഹിത് ശർമ്മ വീണ്ടും അച്ഛനായി. താരത്തിന് ആണ്‍കുഞ്ഞ് ജനിച്ചതെന്നും കുഞ്ഞും അമ്മയും സുഖമായി ഇരിക്കുന്നുവെന്നും രോഹിത്തിനോട് അടുത്ത വൃത്തങ്ങള്‍ വ്യക്തമാക്കി.

2018 ലാണ് രോഹിത് - റിതിക ദമ്ബതികള്‍ക്ക് ആദ്യ കുഞ്ഞ് ജനിച്ചത്. സമൈറക്ക് അനിയനെ ലഭിച്ചതിലുള്ള സന്തോഷത്തിലാണ് കുടുംബമെന്നാണ് രോഹിതിന്‍റെ സുഹൃത്തുകള്‍ പറയുന്നത്.

ഭാര്യ റിതിക സച്ദേവിന്‍റെ പ്രസവവുമായി ബന്ധപ്പെട്ടാണ് രോഹിത് ഇന്ത്യൻ ടീമില്‍ നിന്ന് അവധിയെടുത്തിരിക്കുന്നതെന്ന് റിപ്പോർട്ടുകള്‍ നേരത്തെ തന്നെ പുറത്തുവന്നിരുന്നു.