തന്റെ സ്വകാര്യത സംരക്ഷിക്കണം; ഐശ്വര്യയ്ക്ക് പിന്നാലെ അഭിഷേക് ബച്ചനും കോടതിയിൽ

SEPTEMBER 10, 2025, 1:20 AM

തന്റെ സ്വകാര്യത സംരക്ഷിക്കണമെന്ന് ആവശ്യപ്പെട്ട് ഹർജിയുമായി അഭിഷേക് ബച്ചൻ കോടതിയിൽ. തന്റെ അനുവാദമില്ലാതെ എഐ അടക്കം ഉപയോഗിച്ച് ചിത്രങ്ങൾ ഉൾപ്പെടെ ദുരുപയോഗം ചെയ്യുന്നതായി ആണ് അഭിഷേക് ബച്ചൻ ഹർജിയിൽ വ്യക്തമാക്കുന്നത്. ദില്ലി ഹൈക്കോടതിയാണ് അഭിഷേക് ബച്ചന്റെ ഹർജി പരിഗണിക്കുന്നത്.

അതേസമയം ബോളിവുഡ് ടി ഷോപ് എന്ന വെബ്സൈറ്റിനെതിരെയാണ് അഭിഷേക് ബച്ചൻ കോടതിയെ സമീപിച്ചത്. ബോളിവുഡ് താരങ്ങളുടെ ചിത്രങ്ങൾ പ്രിന്റ് ചെയ്ത ടി ഷർട്ട് നിർമ്മിക്കുന്ന വെബ്സൈറ്റ് ആണ് ബോളിവുഡ് ടി ഷോപ്പ്.

വാണിജ്യ ആവശ്യങ്ങൾക്കായി തന്‍റെ ചിത്രങ്ങളും ശബ്ദവുമടക്കം അനുവാദമില്ലാതെ ഉപയോഗിക്കുന്നത് തടയണമെന്നാവശ്യപ്പെട്ട് അഭിഷേക് ബച്ചന്റെ പങ്കാളിയും നടിയുമായ ഐശ്വര്യ റായ് കഴിഞ്ഞ ദിവസം ദില്ലി ഹൈക്കോടതിയെ സമീപിച്ചിരുന്നു.