വാര്ത്താസമ്മേളനത്തില് നടി ഗൗരി കിഷന് നേരെ ബോഡി ഷെയ്മിംഗ് പരാമര്ശം ഉണ്ടായതില് പ്രതികരണവുമായി തമിഴിലെ അഭിനേതാക്കളുടെ സംഘടനയായ നടികര് സംഘം. സംഭവത്തെ ശക്തമായി അപലപിച്ചുകൊണ്ടാണ് നടികര് സംഘം രംഗത്തെത്തിയിരിക്കുന്നത്.
വാര്ത്താസമ്മേളനത്തില് അവിടെവച്ചുതന്നെ ശക്തമായ പ്രതിഷേധം അറിയിച്ച ഗൗരിയുടെ വാക്കുകള് സോഷ്യൽമീഡിയയിൽ വൈറല് ആയിരുന്നു. സംഘടനയുടെ പ്രസിഡന്റ് നാസര് ആണ് വാര്ത്താക്കുറിപ്പ് പുറത്തിറക്കിയിരിക്കുന്നത്.
സിനിമാ, മാധ്യമ മേഖലകള് വേര്പിരിക്കാനാവാത്ത ബന്ധുക്കളാണെന്നും നല്ല സിനിമകള്ക്കും കലാകാരന്മാര്ക്കും പൊതുമധ്യത്തില് ശ്രദ്ധ നേടിക്കൊടുക്കുന്നതില് മാധ്യമങ്ങള്ക്ക് വലിയ പങ്കുണ്ടെന്നും എന്നാല് തങ്ങളുടെ അഭിപ്രായങ്ങളും വിമര്ശനങ്ങളും സംസ്കാരത്തോടെ അവതരിപ്പിക്കാന് അവര്ക്ക് ഉത്തരവാദിത്തമുണ്ടെന്നും ഇതിന് നേര് വിപരീതമായ കാര്യമാണ് ഇന്നലെ സംഭവിച്ചത് എന്നുമാണ് നാസര് കുറിച്ചത്.
അങ്ങേയറ്റം വേദനിപ്പിക്കുന്നതാണ് അത്. 75 വര്ഷങ്ങള്ക്ക് മുന്പ് തമിഴ് സിനിമയില് നടിമാരായി മാത്രമായിരുന്നില്ല സ്ത്രീകളുടെ സാന്നിധ്യം. മറിച്ച് സംവിധാനം, നിര്മ്മാണം, ഛായാഗ്രഹണം എന്നീ മേഖലകളിലെല്ലാം അവര് ഉണ്ടായിരുന്നു. എന്നാല് ഇന്നും ഒരു സ്ത്രീക്ക് സിനിമാ മേഖലയിലേക്ക് കടന്നുവരാനും അവിടെ മുന്നോട്ട് പോകാനും പ്രയാസമാണ്. ഇത്തരമൊരു സാഹചര്യത്തിലും ആത്മവിശ്വാസത്തോടെ മുന്നേറുന്ന സ്ത്രീകളുടെ അന്തസ്സിനെ സംരക്ഷിക്കുക നമ്മുടെയെല്ലാം ഉത്തരവാദിത്തമാണ്, നടികര് സംഘം പ്രസിഡന്റ് പുറത്തിറക്കിയ കുറിപ്പില് പറയുന്നു.
ഇന്നലെ ആ മോശം ചോദ്യം ഉയര്ത്തിയ അതേ ആള് പത്ത് വര്ഷം മുന്പ് മറ്റൊരു നടിക്കെതിരെയും മോശം ചോദ്യം ചോദിച്ചിട്ടുണ്ട്. മുഴുവന് ചലച്ചിത്ര മേഖലയെയും അപമാനിക്കുന്ന കാര്യമാണ് ഇത്. ആര്ക്കും ഒരു യുട്യൂബ് ചാനല് തുടങ്ങി ഒരു മാധ്യമപ്രവര്ത്തകന്റെ മേല്വിലാസത്തില് ഇത്തരം പരിപാടികള്ക്ക് എത്താന് കഴിയുന്ന കാലമാണ് ഇത്. ഇത് മുന്നില്ക്കണ്ട് ആവശ്യമായ നിയന്ത്രണങ്ങള് ഏര്പ്പെടുത്താനുള്ള ചര്ച്ചകള് നടക്കണം. ഗൗരി ജി കിഷന് നേര്ക്കുണ്ടായ പരാമര്ശത്തില് നടികര് സംഘം ശക്തമായി പ്രതിഷേധിക്കുന്നു. ഇനി ഇത്തരം സംഭവങ്ങള് ആവര്ത്തിക്കാതിരിക്കാന് ആവശ്യമായ നടപടികള് സ്വീകരിക്കണം എന്നും നാസറിന്റെ കുറിപ്പില് വ്യക്തമാക്കുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20201013040751.jpeg)
-20201113033756.jpg)
-20260317054527.jfif)
-20201113034034.jpg)
-20260314122911.jfif)
1-20260316090949.jpg)
