ഹാഥ്‌റസ് ദുരന്തം: മരിച്ചവരുടെ ബന്ധുക്കളെ സന്ദര്‍ശിച്ച്‌ രാഹുല്‍ഗാന്ധി

JULY 5, 2024, 8:55 AM

ന്യൂഡൽഹി: ഹാഥ്റസില്‍ തിക്കിലും തിരക്കിലും പെട്ട് മരിച്ചവരുടെ കുടുംബാംഗങ്ങളെ സന്ദർശിച്ചു ലോക്‌സഭ പ്രതിപക്ഷ നേതാവ് രാഹുൽ ഗാന്ധി.

വെള്ളിയാഴ്ച രാവിലെ അലിഗഡിലെത്തിയ രാഹുൽ കുടുംബങ്ങളെ സന്ദർശിച്ചു. അവർക്ക് ആവശ്യമായ സഹായം നൽകുമെന്ന് രാഹുൽ ഉറപ്പ് നൽകിയതായി സന്ദർശിച്ചവരിൽ ഒരാൾ പ്രതികരിച്ചു. തുടർന്ന് ഹാഥ്റസിലേക്ക് രാഹുല്‍ യാത്ര തിരിച്ചു.

അപകടമുണ്ടായ പ്രാർഥന ചടങ്ങിന്റെ സംഘാടകരായ 6 പേരെ ഉത്തര്‍പ്രദേശ് പൊലീസ് കസ്റ്റഡിയിലെടുത്തിട്ടുണ്ടെങ്കിലും ഗുരു ഭോലെ ബാബയുടെ പേര് എഫ്‌ഐആറില്‍ ഇല്ല.

ദുരന്തത്തിനു പിന്നാലെ ഒളിവില്‍ പോലെ ഭോലെ ബാബയ്ക്കായി മെയിന്‍പൂരിയിലെ ആശ്രമത്തില്‍ ഉള്‍പ്പെടെ തിരച്ചില്‍ നടത്തിയെങ്കിലും കണ്ടെത്താനായില്ല. പ്രധാന പ്രതി ദേവ്പ്രകാശ് മധുകറും ഒളിവിലാണ്. ഇയാളെ കണ്ടെത്തുന്നവര്‍ക്ക് പൊലീസ് ഒരു ലക്ഷം രൂപ പാരിതോഷികം പ്രഖ്യാപിച്ചു.