റായ്പൂര്‍: ഛത്തീസ്ഗഡിലെ സുക്മയില്‍ 23 മാവോയിസ്റ്റുകള്‍ പോലീസിന് മുന്നില്‍ ആയുധം വെച്ച് കീഴടങ്ങി. ഇവരുടെ തലയ്ക്ക് 1.18 കോടി രൂപയാണ് സര്‍ക്കാര്‍ പ്രഖ്യാപിച്ചിരുന്നത്. സുക്മയിലെ പോലീസ് സൂപ്രണ്ടിന്റെ ഓഫീസിലാണ് കീഴടങ്ങല്‍ നടന്നത്. മാവോയിസ്റ്റുകള്‍ക്കെതിരെയുള്ള പോരാട്ടത്തില്‍ വലിയ നേട്ടമാണിത്. 

കഴിഞ്ഞ ദിവസം നാരായണ്‍പൂര്‍ ജില്ലയില്‍ 22 മാവോയിസ്റ്റുകള്‍ ആയുധം ഉപേക്ഷിച്ച് കീഴടങ്ങിയിരുന്നു. സുക്മ പോലീസിന്റെയും സിആര്‍പിഎഫിന്റെയും സംയുക്ത ശ്രമത്തിന്റെ ഫലമാണ് ഏറ്റവും പുതിയ കീഴടങ്ങല്‍.

കീഴടങ്ങിയവരില്‍ നിരവധി ഉന്നത മാവോയിസ്റ്റ് കേഡര്‍മാരുണ്ട്. എട്ട് ലക്ഷം രൂപ വരെയാണ് ഇവരുടെ തലയ്ക്ക് ഇട്ടിരുന്നത്. മറ്റുള്ളവരുടെ തലയ്ക്ക് ഒരു ലക്ഷം രൂപ മുതല്‍ അഞ്ച് ലക്ഷം രൂപ വരെ പ്രതിഫലമുണ്ടായിരുന്നു. ഇവരില്‍ പലരും ബസ്തര്‍ മേഖലയിലുടനീളം ഗുരുതരമായ അക്രമ പ്രവര്‍ത്തനങ്ങളില്‍ ഏര്‍പ്പെട്ടിരുന്നതായി പോലീസ് പറഞ്ഞു. 2012ല്‍ അന്നത്തെ ജില്ലാ കളക്ടര്‍ അലക്‌സ് പോള്‍ മേനോനെ തട്ടിക്കൊണ്ടുപോയ സംഭവത്തില്‍ കീഴടങ്ങിയ മാവോയിസ്റ്റുകളില്‍ ഒരാള്‍ക്ക് പങ്കുണ്ട്. 

കീഴടങ്ങിയ മാവോയിസ്റ്റുകള്‍ക്ക് സംസ്ഥാനത്തിന്റെ കീഴടങ്ങല്‍, പുനരധിവാസ നയത്തിനനുസരിച്ച് കീഴിലായിരിക്കുമെന്ന് അധികൃതര്‍ പറഞ്ഞു, ഇത് മുഖ്യധാരാ സമൂഹത്തിലേക്ക് പുനഃസംയോജിപ്പിക്കുന്നതിന് സാമ്പത്തികവും സാമൂഹികവുമായ പിന്തുണ വാഗ്ദാനം ചെയ്യുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്