ചെന്നൈ: പാകിസ്ഥാൻ സ്വദേശിനിയായ 19കാരിക്ക് ചെന്നൈയിൽ ഹൃദയം മാറ്റിവെക്കൽ ശസ്ത്രക്രിയ നടത്തി. ചെന്നൈയിലെ എം.ജി.എം ഹെൽത്ത് കെയർ ആശുപത്രിയിലാണ് ശസ്ത്രക്രിയ നടത്തിയത്. കറാച്ചിയിൽ സ്കൂൾ വിദ്യാഭ്യാസം പൂർത്തിയാക്കി ഫാഷൻ ഡിസൈനറാവാൻ ആഗ്രഹിക്കുന്ന ആയിഷ റാഷനാണ് ശസ്ത്രക്രിയക്ക് വിധേയായത്.
തമിഴ്നാട് അവയവ കൈമാറ്റ രജിസ്റ്ററിയിൽ പേര് ചേർത്ത് അഞ്ച് വർഷമായി കാത്തിരിക്കുകയായിരുന്നു. ഡൽഹിയിലെ ആശുപത്രിയിൽ മസ്തിഷ്ക മരണം സംഭവിച്ച 69 കാരന്റെ ഹൃദയമാണ് ഇവർക്ക് മാറ്റിവെച്ചത്. 2019 ലാണ് ആയിഷക്ക് ഹൃദയാഘാതം സംഭവിച്ചത്.
2023 ൽ അണുബാധ ഉണ്ടായതിനെ തുടർന്ന് ആരോഗ്യസ്ഥിതി വഷളാവുകയായിരുന്നു. രാജ്യത്ത് സ്വീകർത്താക്കൾ ഇല്ലാത്തപ്പോൾ മാത്രമാണ് വിദേശികൾക്ക് ഹൃദയം നൽകുന്നത്. ശസ്ത്രക്രിയക്ക് ചെലവായ 35 ലക്ഷം രൂപ സന്നദ്ധ സംഘടനകളും മറ്റുമാണ് നൽകിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്