റാഞ്ചി: അഴിമതിരഹിത ഭരണമാണ് ബിജെപി സർക്കാർ നടത്തുന്നതെന്ന് ആവർത്തിച്ച് പ്രധാനമന്ത്രി നരേന്ദ്ര മോദി. ജനങ്ങളുടെ അനുഗ്രഹം കൊണ്ട്  തനിക്കെതിരെ അഴിമതി ആരോപണങ്ങളൊന്നുമില്ലെന്നും അദ്ദേഹം അവകാശപ്പെട്ടു.

25 വർഷമായി ഞാൻ മുഖ്യമന്ത്രിയായും പ്രധാനമന്ത്രിയായും രാജ്യത്തെ സേവിക്കുന്നു. എനിക്കെതിരെ അഴിമതിയാരോപണങ്ങളൊന്നും ഉണ്ടാകാത്തതിന് കാരണം നിങ്ങളുടെ അനുഗ്രഹമാണ്'- ജാർഖണ്ഡിലെ പലാമുവിൽ നടന്ന തിരഞ്ഞെടുപ്പ് പ്രചാരണ പരിപാടിയിൽ പ്രധാനമന്ത്രി പറഞ്ഞു.

500 വർഷങ്ങൾക്ക് ശേഷം അയോധ്യയിൽ രാമക്ഷേത്രം നിർമ്മിച്ചതും ജമ്മു കശ്മീരിലെ ആർട്ടിക്കിൾ 370 റദ്ദാക്കിയതും തന്റെ ഭരണത്തിലെ നാഴികകല്ലുകളാണ്.

ജെഎംഎം-കോൺഗ്രസ് നേതാക്കൾ അഴിമതിയിലൂടെ വൻതോതിൽ സ്വത്ത് സമ്പാദിക്കുന്നുവെന്നും തനിക്ക് സ്വന്തമായി ഒരു സൈക്കിൾ പോലുമില്ലെന്നും പ്രധാനമന്ത്രി നരേന്ദ്ര മോദി പറഞ്ഞു.

കഴിഞ്ഞ 10 വർഷത്തിനിടയിൽ ബിജെപി ​സര്‍ക്കാര്‍ നൽകിയ സേവനങ്ങള്‍ മോദി എണ്ണിപ്പറഞ്ഞു. ഓരോ ഇന്ത്യക്കാരൻ്റെയും ക്ഷേമത്തിനായി താൻ പ്രവർത്തിക്കുമെന്ന് പറഞ്ഞ മോദി വരാനിരിക്കുന്ന തിരഞ്ഞെടുപ്പുകളിലും ജനങ്ങളുടെ പിന്തുണ വേണമെന്ന് അഭ്യർത്ഥിക്കുകയും ചെയ്തു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്