കോഴിക്കോട്: കോഴിക്കോട്, വയനാട് ജില്ലകളിലെ പഴംതീനി വവ്വാലുകളില് വീണ്ടും നിപ വൈറസ് സാന്നിധ്യം സ്ഥിരീകരിച്ച് പഠനറിപ്പോർട്ട്. പുനെ നാഷണല് ഇൻസ്റ്റിറ്റ്യൂട്ട് ഓഫ് വൈറോളജി (എൻ.ഐ.വി.) ഗവേഷകർ 2023 ഫെബ്രുവരി, ജൂലായ്, സെപ്റ്റംബർ മാസങ്ങളില് നിപബാധിതമേഖലകളില്നിന്ന് ശേഖരിച്ച വവ്വാല് സ്രവങ്ങളുടെ പരിശോധനാഫലങ്ങളിലാണ് വൈറസ് സാന്നിധ്യം വ്യക്തമായത്.
അതേസമയം ഈ വൈറസ് മനുഷ്യരിലേക്ക് ഏതുവിധത്തിലാണ് പകരുന്നതെന്ന് വ്യക്തമാകാൻ തുടർപഠനം ആവശ്യമാണെന്നും റിപ്പോർട്ട് നിർദേശിക്കുന്നുണ്ട്. കോഴിക്കോട് ജില്ലയിലെ പേരാമ്പ്ര, മണാശ്ശേരി, കുറ്റ്യാടി, കള്ളാട്, തളീക്കര, വയനാട് ജില്ലയിലെ മാനന്തവാടി എന്നിവിടങ്ങളില് നിന്നാണ് വവ്വാലുകളുടെ സ്രവങ്ങള് ശേഖരിച്ചത്.
272 വവ്വാലുകളുടെ സ്രവങ്ങള് പരിശോധനയ്ക്ക് വിധേയമാക്കിയതില് 20.9 ശതമാനത്തില് നിപ വൈറസ് ആന്റിബോഡി സാന്നിധ്യമുണ്ടായിരുന്നു. 44 വവ്വാലുകളുടെ കരളില് നിന്നും പ്ലീഹയില്നിന്നും ശേഖരിച്ച സാംപിളുകളില് നാലെണ്ണത്തില് വൈറസ് സാന്നിധ്യം കണ്ടെത്തിയിട്ടുണ്ട്. മുമ്പ് കേരളത്തില് കണ്ടെത്തിയ നിപ വൈറസുമായി 99 ശതമാനം ജനിതക സാമ്യമുള്ളവയാണ് തിരിച്ചറിഞ്ഞ വൈറസെന്നും വ്യക്തമായിട്ടുണ്ട്. അതുപോലെ മുൻവർഷങ്ങളില് നടത്തിയ പരിശോധനകളിലും മേഖലയിലെ വവ്വാലുകളില് വൈറസ് സാന്നിധ്യം സ്ഥിരീകരിച്ചിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്