ആർ.സി.ബിയുടെ വിരാട് കോഹ്ലി ഐ.പി.എൽ ചരിത്രത്തിൽ മറ്റൊരു റെക്കോർഡ് കൂടി സ്വന്തം പേരിലാക്കി. ഐ.പി.എൽ ചരിത്രത്തിൽ 10 വ്യത്യസ്ത സീസണുകളിൽ 400 റൺസിന് മുകളിൽ നേടിയ ആദ്യ ബാറ്ററാണ് കോഹ്ലി.
സൺറൈസേഴ്സിനെതിരായ മത്സരത്തിലാണ് കോഹ്ലി ഈ നേട്ടം സ്വന്തം പേരിലാക്കിയത്.
മിസ്റ്റർ ഐ.പി.എൽ സുരേഷ് റെയ്ന, ഡേവിഡ് വാർണർ എന്നിവരെയാണ് വിരാട് മറികടന്നത്. ഇരുവരും 9 തവണ നാനൂറോ അതിനു മുകളിലോ സ്കോർ ചെയ്തിട്ടുണ്ട്. 2023, 2021, 2020, 2019, 2018, 2016, 2015, 2013, 2011 സീസണുകളിലാണ് കോഹ്ലിയുടെ നേട്ടം.
2016 സീസണിൽ 81.08 ശരാശരിയിൽ വിരാട് 973 റൺസ് നേടിയിരുന്നു. നാല് സെഞ്ച്വറിയും 7 അർദ്ധ സെഞ്ച്വറിയുമടക്കമായിരുന്നു താരത്തിന്റെ പ്രകടനം. 246 ഐ.പി.എൽ മത്സരങ്ങളിൽ നിന്ന് 7,693 റൺസ് നേടിയ കോഹ്ലിയുടെ ശരാശരി 38.27 ആണ്. എട്ടു സെഞ്ച്വറികളും 53 അർദ്ധശതകവുമടക്കമാണിത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്