ന്യൂഡൽഹി: ഐടി കമ്പനിയായ ഇൻഫോസിസ് തുടങ്ങാൻ ഭർത്താവ് എൻആർ നാരായണമൂർത്തിക്ക് 10,000 രൂപ നൽകിയിരുന്നെന്ന് രാജ്യസഭാ എംപി സുധാ മൂർത്തി. 

1981-ൽ ഒരു സോഫ്റ്റ്‌വെയർ കമ്പനി തുടങ്ങാൻ ആഗ്രഹിക്കുന്നുവെന്ന് ഭർത്താവ് തന്നോട് പറഞ്ഞു. തൻ്റെ സമ്പാദ്യത്തിൽ അന്ന് ഉണ്ടായത് 10,250 രൂപയായിരുന്നു. റിസ്ക് എടുത്ത് 250 രൂപ മാറ്റിവെച്ച് ബാക്കി നാരായണമൂർത്തിക്ക് നൽകിയെന്നും  അവർ പറഞ്ഞു.

“അദ്ദേഹം ഇൻഫോസിസ് ആരംഭിച്ചപ്പോൾ എൻ്റെ ജീവിതം മാറി, അതൊരു ഉത്തരവാദിത്തവും പ്രതിബദ്ധതയുമായിരുന്നു,” അവർ പറഞ്ഞു. ഒരു കമ്പനി കെട്ടിപ്പടുക്കുന്നത് തമാശയല്ല, അതിന് ഒരുപാട് ത്യാഗങ്ങൾ ആവശ്യമാണെന്നും സുധാ മൂർത്തി കൂട്ടിച്ചേർത്തു.

അടുത്തിടെയാണ് സുധാമൂർത്തി രാജ്യസഭാ എംപിയായി സത്യപ്രതിജ്ഞ ചെയ്തത്. 73-ാം വയസ്സിൽ ഇത് ഒരു പുതിയ അധ്യായമാണ്. പക്ഷേ, പഠിക്കാൻ പ്രായം ഒരു തടസ്സമല്ലെന്നായിരുന്നു അവരുടെ പ്രതികരണം.

ചടങ്ങിൽ  സന്നിഹിതനായ നാരായണമൂർത്തി പറഞ്ഞതിങ്ങനെ: “ആദ്യ ദിവസം മുതൽ, അവൾ എന്നെക്കാൾ ശ്രേഷ്ഠയാണെന്ന് വളരെ വ്യക്തമായി അറിയാമായിരുന്നു. എന്തുകൊണ്ടാണ് മൂർത്തി തൻ്റെ ഭാര്യയെ ഇൻഫോസിസിൻ്റെ ഭാഗമായി അതിൻ്റെ ആദ്യ നാളുകളിൽ ഉൾപ്പെടുത്താത്തതെന്ന് ചോദിച്ചപ്പോൾ, ജീവിതം പഠിക്കാനും മെച്ചപ്പെടുത്താനും മാത്രമാണെന്ന് അദ്ദേഹം പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്