ഇൻസ്റ്റാഗ്രാം, മെസഞ്ചർ, എന്നിവയ്ക്ക് ശേഷം വാട്ട്‌സ്ആപ്പിലും ആർട്ടിഫിഷ്യൽ ഇൻ്റലിജൻസ് ചാറ്റ്‌ബോട്ടായ മെറ്റാ എഐ പരീക്ഷിച്ച് ഫേസ്ബുക്ക് മാതൃസ്ഥാപനമായ മെറ്റ. ഇന്ത്യയിലെ ചില വാട്ട്‌സ്ആപ്പ് ഉപയോക്താക്കൾക്കിടയിൽ പരീക്ഷണാടിസ്ഥാനത്തിൽ 'മെറ്റാ എഐ' എന്ന ചാറ്റ്ബോട്ട് ഫീച്ചർ ലഭ്യമാക്കിയിട്ടുണ്ട്. 

ജനറേറ്റീവ് എഐയിലേക്കുള്ള നീക്കത്തിൻ്റെ ഭാഗമായി, കഴിഞ്ഞ സെപ്റ്റംബറിൽ നടന്ന മെറ്റാകണക്ട് 2023 ഇവൻ്റിൽ സിഇഒ മാർക്ക് സക്കർബർഗ് നിരവധി വ്യത്യസ്ത  എഐ സവിശേഷതകൾ അവതരിപ്പിക്കുന്നതായി ഔദ്യോഗികമായി പ്രഖ്യാപിച്ചു.

ഇന്ത്യയുൾപ്പെടെ ഏതാനും രാജ്യങ്ങൾ മാത്രമാണ് വാട്‌സ്ആപ്പിൽ മെറ്റാ എന്ന എഐ ഫീച്ചർ അവതരിപ്പിച്ചത്. മെറ്റാ AI നിലവിൽ ഇംഗ്ലീഷ് ഭാഷയെ മാത്രമേ പിന്തുണയ്ക്കുന്നുള്ളൂ. ഇത് മെറ്റയുടെ സ്വന്തം ഭാഷാ മോഡലായ ലാമ എഐയെ അടിസ്ഥാനമാക്കിയുള്ളതാണ്. ചാറ്റ് ജിപിടിയ്ക്ക് സമാനമായി സുഗമമായ സംഭാഷണങ്ങളാണ് മെറ്റ വാഗ്ദാനം ചെയ്യുന്നത്. എന്തിനെക്കുറിച്ചും ഈ ചാറ്റ്‌ബോട്ടുമായി സംസാരിക്കാനും ചോദ്യങ്ങൾ ചോദിക്കാനും സാധിക്കുന്നതാണ്.

വാട്ട്‌സ്ആപ്പിൽ മെറ്റ എഐയുമായി എങ്ങനെ സംസാരിക്കാം?

വാട്ട്‌സ്ആപ്പിലെ ഒരു എഐ   ചാറ്റ്‌ബോട്ടുമായി ഒരു സംഭാഷണം ആരംഭിക്കാൻ, വാട്ട്‌സ്ആപ്പ് തുറന്നതിന് ശേഷം, ചാറ്റ് സ്‌ക്രീനിൽ നിന്ന് 'പുതിയ ചാറ്റ്' ഓപ്ഷൻ തിരഞ്ഞെടുക്കുക. അതിനുശേഷം 'മെറ്റാ AI' ഐക്കൺ തിരഞ്ഞെടുത്ത് സേവന നിബന്ധനകൾ വായിച്ച് അംഗീകരിച്ചതിന് ശേഷം, ഇൻബോക്സിലേക്ക് ആക്സസ് ലഭിക്കുന്നതിന് ഐക്കണിൽ ടാപ്പുചെയ്യുക. തുടർന്ന് ആവശ്യാനുസരണം സംഭാഷണങ്ങൾ നടത്താം.

മെറ്റാ എഐയുമായുള്ള സംഭാഷണത്തിൽ (ചാറ്റ്) നിങ്ങൾക്ക് സംശയമുള്ള എന്തിനെക്കുറിച്ചും ചോദ്യങ്ങൾ ചോദിക്കാം. മെറ്റാ നൽകിയ വിശദീകരണത്തിൽ നൽകിയിരിക്കുന്ന വിവരങ്ങൾ അനുസരിച്ച്, മെറ്റാ എഐയുടെ ഡാറ്റാബേസ് വിപുലമായ വിജ്ഞാന അടിത്തറ നൽകുന്നു. ഇവ കൂടാതെ, ഒരു വിഷയത്തെക്കുറിച്ചുള്ള സംശയങ്ങൾ പരിഹരിക്കാനും പുതിയ ആശയങ്ങൾ നൽകാനും ചാറ്റ്ബോട്ടിന് കഴിയും.

നൽകിയ വിവരങ്ങൾ താൽപ്പര്യങ്ങളും മുൻഗണനകളും അടിസ്ഥാനമാക്കി വ്യക്തിപരമാക്കിയ ശുപാർശകൾ നൽകാൻ ഉപയോഗിക്കാനാകും. വിവിധ വിഷയങ്ങളെക്കുറിച്ചുള്ള അർത്ഥവത്തായ സംഭാഷണങ്ങളിൽ ഏർപ്പെടുന്നത്തിനു കൂടിയാണ് മെറ്റാ എഐ രൂപകൽപ്പന ചെയ്തിരിക്കുന്നത്. താത്പര്യമുള്ള വിഷയങ്ങളെക്കുറിച്ചെല്ലാം ചാറ്റ്ബോട്ടുമായി സംസാരിക്കാം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്