കസ്റ്റമൈസ് ചെയ്യാവുന്ന ബാക്ക് കവർ: സിഎംഎഫ് ഫോൺ വണ്ണിലൂടെ പുതിയ പരീക്ഷണവുമായി നതിങ്

JULY 8, 2024, 3:16 PM

നതിങ് സബ് ബ്രാൻഡിൽ നിന്നുള്ള ആദ്യത്തെ സ്മാർട്ട്‌ഫോണായ സിഎംഎഫ് ഫോൺ 1 ഒടുവിൽ ഇന്ത്യയിൽ അവതരിപ്പിച്ചു. ബാക്ക് കവർ മാറ്റാൻ കഴിയും എന്നതാണ് ഫോണിന്റെ ഒരു പ്രധാന പ്രത്യേകത. മികച്ച സ്‌പെസിഫിക്കേഷനുകൾ വാഗ്ദാനം ചെയുന്ന ഫോണിന് പതിനയ്യായിരത്തിനും ഇരുപതിനായിരത്തിനും ഇടയ്ക്കാണ് വില വരുന്നത്.മികച്ച ബാറ്ററി ലൈഫും ഫോൺ വാഗ്ദാനം ചെയ്യുന്നുണ്ട്

ഇന്ത്യയിലെ സിഎംഎഫ് ഫോൺ 1ന്റെ വില, ലഭ്യത:

6ജിബി + 128ജിബി റാം സ്റ്റോറേജ്, 8 ജിബി + 128 ജിബി റാം എന്നിങ്ങനെ രണ്ട് വേരിയന്റുകളാണ് ഈ മോഡലിന് ഉള്ളത്.6ജിബി + 128ജിബി റാം സ്റ്റോറേജ് വേരിയന്റിന് 15,999 രൂപയും 8 ജിബി + 128 ജിബി റാം വേരിയന്റിന് 17,999 രൂപയുമാണ് വില വരുന്നത്കറുപ്പ്, നീല, ഇളം പച്ച, ഓറഞ്ച് എന്നിങ്ങനെ നാല് കളർ ഓപ്‌ഷനുകൾ ഫോണിന് ഉണ്ടാവും.ജൂലൈ 12 ന് ഉച്ചയ്ക്ക് 12:00 IST ന് ഫ്ലിപ്പ്കാർട്ട് വഴിയും സിഎംഫ് ഇന്ത്യ വെബ്‌സൈറ്റിലും ഫോൺ വിൽപ്പനക്കെത്തും.

അതേസമയം സിഎംഎഫ് ഫോൺ 1 ൻ്റെ ലിമിറ്റഡ് യൂണിറ്റുകൾ ജൂലൈ 9 ന് ബെംഗളൂരുവിലെ ലുലു മാളിൽ 7:00 PM IST മുതൽ വിൽപ്പനയ്ക്ക് ലഭ്യമാകും. ഫോൺ വാങ്ങുന്ന ആദ്യത്തെ 100 ഉപഭോക്താക്കൾക്ക് സിഎംഫ് ബഡ്‌സ് സൗജന്യമായി ലഭിക്കും.

സിഎംഎഫ് ഫോൺ 1ന്റെ സവിശേഷതകൾ:

ഡ്യുവൽ സിം (നാനോ) സിഎംഫ് ഫോൺ 1, ആൻഡ്രോയിഡ് 14 അടിസ്ഥാനമാക്കിയുള്ള നതിംഗ് ഒഎസ് 2.6ലാണ് പ്രവർത്തിപ്പിക്കുന്നത്. ഇതിന് രണ്ട് വർഷത്തെ പ്രധാന ആൻഡ്രോയിഡ് അപ്‌ഡേറ്റുകളും മൂന്ന് വർഷത്തെ സുരക്ഷാ പാച്ചുകളും ലഭിക്കുമെന്ന് കമ്പനി പറയുന്നുണ്ട്. 120Hz വരെ അഡാപ്റ്റീവ് റിഫ്രഷ് റേറ്റ്, 395ppi പിക്സൽ ഡൻസിറ്റി, 240Hz ടച്ച് സാംപ്ലിംഗ് റേറ്റ് , 2000 nits പീക്ക് തെളിച്ചം എന്നിവയുള്ള 6.7-ഇഞ്ച് ഫുൾ-എച്ച്ഡി+ (1,080x2,400 പിക്സലുകൾ) AMOLED LTPS ഡിസ്പ്ലേയോട് കൂടിയാണ് ഫോണിന്റെ രൂപകല്പന. 8 ജിബി വരെ റാമുമായി ജോടിയാക്കിയ ഒക്ടാ-കോർ മീഡിയടെക് ഡൈമെൻസിറ്റി 7300 5G പ്രൊസസറിലാണ് ഫോണിന്റെ പ്രവർത്തനം. റാം ബൂസ്റ്റർ ഫീച്ചർ ഉപയോഗിച്ച്, സിഎംഫ് ഫോൺ 1-ൽ ലഭ്യമായ മെമ്മറി 16ജിബി വരെ വിർച്വലി വികസിപ്പിക്കാൻ കഴിയും.

ഒപ്‌റ്റിക്‌സിനായി, സിഎംഫ് ഫോൺ 1-ൽ 50-മെഗാപിക്‌സൽ പ്രൈമറി ക്യാമറയും സോണി സെൻസറും, ഇലക്ട്രോണിക് ഇമേജ് സ്റ്റെബിലൈസേഷനുള്ള (EIS) പിന്തുണയും 2x സൂമോടുകൂടിയ പോർട്രെയിറ്റ് സെൻസറും സജ്ജീകരിച്ചിരിക്കുന്നു. മുൻവശത്ത്, 16 മെഗാപിക്സൽ സെൽഫി ക്യാമറയാണ് സജ്ജീകരിച്ചിരിക്കുന്നത്.

5G, 4G LTE, Wi-Fi 6, ബ്ലൂടൂത്ത് 5.3, USB Type-C പോർട്ട് എന്നിവ സ്മാർട്ട്ഫോണിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.പ്രാമാണീകരണത്തിനായി ഒപ്റ്റിക്കൽ ഇൻ-ഡിസ്‌പ്ലേ ഫിംഗർപ്രിൻ്റ് സെൻസറും ഫോണിൽ ഒരുക്കിയിട്ടുണ്ട്. 33W ഫാസ്റ്റ് ചാർജിംഗും 5W റിവേഴ്സ് വയർഡ് ചാർജിംഗും പിന്തുണയ്ക്കുന്ന 5,000mAh ബാറ്ററിയാണ് ഫോണിന്റെ പവർ ഹൌസ്.

മുൻപ് പറഞ്ഞതുപോലെ വ്യത്യസ്ത കളർ ഓപ്ഷനുകളിലും മെറ്റീരിയലുകളിലും ഫിനിഷുകളിലും പരസ്പരം മാറ്റാവുന്ന കവറുകൾക്കുള്ള പിന്തുണ സിഎംഫ് ഫോൺ 1 അവതരിപ്പിക്കുന്നുണ്ട്. വ്യക്തിഗത രൂപങ്ങൾ സൃഷ്ടിക്കുന്നതിന് ഉപയോക്താക്കൾക്ക് ബാക്ക് കേസ് സ്വാപ്പ് ചെയ്യാനും ഇഷ്ടാനുസൃതമായി അറ്റാച്ച് ചെയ്യാവുന്ന ആക്‌സസറികൾ ചേർക്കാനും കഴിയും. ബ്ലൂ, ഓറഞ്ച് പിൻ പാനലുകൾ ഹാൻഡ്‌സെറ്റിൻ്റെ ഭാരം ചെറുതായി വർദ്ധിപ്പിക്കുന്ന ഒരു വെഗൻ ലെതർ ലെയർ ഫീച്ചർ ചെയ്യുന്നുണ്ട്.