കോഹ്‌ലിയുടെയും രോഹിതിന്റെയും ഞെട്ടിക്കുന്ന വിരമിക്കലിന് പിന്നില്‍ ടീം ഇന്ത്യയുടെ മുഖ്യ പരിശീലകന്‍ ഗൗതം ഗംഭീര്‍ ആണെന്ന ആരോപണങ്ങള്‍ നേരത്തേ ഉയര്‍ന്നിരുന്നു. ഇതിനോട് ചേര്‍ത്തുവയ്ക്കാവുന്ന വെളിപ്പെടുത്തലുമായി രംഗത്തെത്തിയിരിക്കുകയാണ് മുന്‍ ഓസ്ട്രേലിയന്‍ ക്യാപ്റ്റന്‍ അലീസ ഹീലിയും ഓസ്ട്രേലിയന്‍ ബ്രോഡ്കാസ്റ്റര്‍ ആദം പീക്കോക്കും.

കോഹ്‌ലി ടെസ്റ്റ് ക്രിക്കറ്റില്‍ നിന്ന് ഇപ്പോള്‍ വിരമിക്കാന്‍ ആഗ്രഹിച്ചിരുന്നില്ലെന്ന് അലീസ ഹീലി അവകാശപ്പെട്ടു. 2025 ലെ ഐപിഎല്‍ സീസണില്‍ വിരാട് കോഹ്ലി ചുവന്ന പന്തുകള്‍ ഉപയോഗിച്ച് പരിശീലിക്കുന്ന വീഡിയോ കണ്ടതായും ഹീലി വെളിപ്പെടുത്തി. ഇതിന് ശേഷമുള്ള രണ്ടാഴ്ചയില്‍ എന്തോ കുഴപ്പം സംഭവിച്ചതായും അവര്‍ കരുതുന്നു.

'ഐപിഎല്‍ സമയത്ത് അദ്ദേഹം (വിരാട് കോഹ്‌ലി) ചുവന്ന പന്തുകള്‍ അടിക്കുന്ന വീഡിയോ ഞാന്‍ കണ്ടു. കഴിഞ്ഞ രണ്ടാഴ്ചയായി എന്തോ സംഭവിച്ചു. അതെന്താണെന്ന് എനിക്കറിയില്ല. എനിക്ക് ആശ്ചര്യം തോന്നി. അദ്ദേഹം ടെസ്റ്റ് ക്രിക്കറ്റ് ഉപേക്ഷിക്കാന്‍ തയ്യാറായിരുന്നില്ല എന്ന് ഞാന്‍ കരുതുന്നു'- ഹീലി വില്ലോ ടോക്ക് പോഡ്കാസ്റ്റില്‍ പറഞ്ഞു.

ഇംഗ്ലണ്ടിനെതിരെ ഈ മാസം ആരംഭിക്കുന്ന അഞ്ച് ടെസ്റ്റുകളുടെ പരമ്പരയില്‍ വിരാട് കോഹ്‌ലി ഉണ്ടാവില്ല. രോഹിത് ശര്‍മയും ആര്‍ അശ്വിനും വിരമിച്ച ശേഷമുള്ള ആദ്യ ടെസ്റ്റ് പരമ്പര കൂടിയാണിത്.

ജൂണ്‍ 20 മുതല്‍ ആരംഭിക്കുന്ന ഇന്ത്യ-ഇംഗ്ലണ്ട് പരമ്പരയുടെ ഭാഗമല്ലാത്തതിനാല്‍ കോഹ്‌ലിയെ ഇനി കളിക്കളത്തില്‍ കാണാന്‍ ആരാധകര്‍ വളരെക്കാലം കാത്തിരിക്കേണ്ടിവരും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്