സീസണിൽ ആദ്യമായി ഒരു എവെ മത്സരത്തിൽ ജയം കണ്ടു ന്യൂകാസ്റ്റിൽ യുണൈറ്റഡ്. ഇംഗ്ലീഷ് പ്രീമിയർ ലീഗിൽ എവർട്ടണെ ഒന്നിനെതിരെ നാലു ഗോളുകൾക്കാണ് ന്യൂകാസ്റ്റിൽ യുണൈറ്റഡ് തോൽപ്പിച്ചത്.

തുടക്കം മുതൽ ന്യൂകാസ്റ്റിൽ ആധിപത്യം കണ്ട മത്സരത്തിൽ ഒന്നാം മിനിറ്റിൽ തന്നെ അവർ മുന്നിലെത്തി. ലൂയിസ് മൈലിയുടെ പാസിൽ നിന്നു ക്ലബിനായി തന്റെ ആദ്യ ഗോൾ മലിക് തിയാ കണ്ടെത്തുകയായിരുന്നു. തുടർന്ന് 25-ാമത്തെ മിനിറ്റിൽ ഡാൻ ബേർണിന്റെ പാസിൽ നിന്നു ലൂയിസ് മൈലി അവർക്ക് രണ്ടാം ഗോളും നേടി നൽകി.

ആദ്യ പകുതിയുടെ അവസാന മിനിറ്റിൽ കൗണ്ടർ അറ്റാക്കിൽ നിന്നു ആന്റണി എലാങയുടെ പാസിൽ നിന്നു നിക്ക് വോൾട്ടമാഡ കൂടി ഗോൾ നേടിയതോടെ ന്യൂകാസ്റ്റിൽ ജയം ഉറപ്പിച്ചു. രണ്ടാം പകുതിയിൽ 58-ാമത്തെ മിനിറ്റിൽ ലൂയിസ് ഹാളിന്റെ ഉഗ്രൻ ക്രോസിൽ നിന്നു തന്റെ രണ്ടാം ഗോൾ നേടിയ മലിക് തിയാ ആണ് ന്യൂകാസ്റ്റിൽ ജയം പൂർത്തിയാക്കിയത്. ബാരി എവർട്ടണിനായി നേടിയ ഗോൾ ഹാന്റ് ബോൾ കാരണം വാർ നിഷേധിച്ചെങ്കിലും ഡ്യൂസ്ബറിഹാൾ 69-ാമത്തെ മിനിറ്റിൽ നേടിയ ഉഗ്രൻ ഗോൾ അവർക്ക് ആശ്വാസം ആയി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്