ലാലിഗയിൽ ബെറ്റിസിനെതിരെ റയലിന് തകർപ്പൻ ജയം. ഒന്നിനെതിരെ അഞ്ചു ഗോളുകൾക്കാണ് റയലിന്റെ ജയം. യുവ താരം ഗോൺസാലോ ഗാർഷ്യ (20', 50', 82') ഹാട്രിക്ക് നേടിയ മത്സരത്തിൽ റൗൾ അസെൻസിയോയും (56') ഫ്രാൻ ഗാർഷ്യയുമാണ് (90+3') റയലിന്റെ മറ്റ് ഗോളുകൾ നേടിയത്. കുച്ചോ ഹെർണാണ്ടസാണ് ബെറ്റിസിന്റെ (66') ആശ്വാസഗോൾ നേടിയത്.

ആദ്യ പകുതിയുടെ 20-ാം മിനിറ്റിൽ വിനിഷ്യൻ ജൂനിയർ തൊടുത്ത ഫ്രീകിക്കിൽ തലവെച്ച് ഗാർഷ്യ റയലിന് ലീഡ് നൽകി. രണ്ടാം പകുതിയുടെ 50-ാം മിനിറ്റിൽ ഫെഡറികോ വാൽവർഡെയുടെ പാസിൽ ഗാർഷ്യ റയലിന്റെ ലീഡുയർത്തി. ആറ് മിനിട്ടുകൾക്ക് ശേഷം കോർണറിൽ നിന്ന് റൗൾ അസെൻസിയോ റയലിന്റെ മൂന്നാം ഗോളും സ്‌കോർ ചെയ്തു. 66-ാം മിനിറ്റിൽ കുച്ചോ ഹെർണാണ്ടസ് ബെറ്റിസിനായി ഒരു ഗോൾ മടക്കി. മത്സരം അവസാനിക്കാൻ എട്ട് മിനിറ്റുകൾ ബാക്കി നിൽക്കേ അർദ ഗുലേറിന്റെ പാസിൽ ഗാർഷ്യ തന്റെ ഹാട്രിക്ക് പൂർത്തിയാക്കി. തുടർന്ന് ഇഞ്ചുറി ടൈമിൽ ഫ്രാൻ ഗാർഷ്യയും വല കണ്ടെത്തിയതോടെ സ്‌കോർ 5-1 എന്ന നിലയിൽ മത്സരം അവസാനിച്ചു.

റയലിന്റെ അടുത്ത മത്സരം സ്പാനിഷ് സൂപ്പർ കപ്പ് സെമി ഫൈനലിൽ അത്‌ലറ്റികോക്കെതിരെയാണ്. ജനുവരി ഒമ്പതിന് ജിദ്ദയിലാണ് ആ മത്സരം. ജനുവരി എട്ടിന് നടക്കുന്ന ആദ്യ സെമിയിൽ ബാഴ്‌സലോണ അത്‌ലറ്റിക് ബിൽബാവോനെ നേരിടും. ജനുവരി 11 നാണ് ഫൈനൽ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്