ടെൻ ഹാഗിനെ പരിശീലക സ്ഥാനത്ത് നിന്ന് പുറത്താക്കിയ മാഞ്ചസ്റ്റർ യുണൈറ്റഡ് ക്ലബിന് ലീഗ് കപ്പിൽ വമ്പൻ വിജയം. കരബാവോ കപ്പ് റൗണ്ട് ഓഫ് 16ൽ ലെസ്റ്റർ സിറ്റിയെ നേരിട്ട മാഞ്ചസ്റ്റർ യുണൈറ്റഡ് രണ്ടിനെതിരെ 5 ഗോളുകൾക്കാണ് തോൽപ്പിച്ചത്.

താൽക്കാലിക പരിശീലകൻ നിസ്റ്റൽ റൂയിയുടെ കീഴിലായിരുന്നു മാഞ്ചസ്റ്റർ യുണൈറ്റഡ് ഇറങ്ങിയത്. തുടക്കം മുതൽ മാഞ്ചസ്റ്റർ യുണൈറ്റഡ് ആക്രമിച്ചു കളിക്കുന്നത് കാണാനായി. ഒമ്പതാം മിനുട്ടിൽ കസെമിറോയുടെ ഒരു ലോംഗ് റേഞ്ച് ഫിനിഷിലൂടെയാണ് മാഞ്ചസ്റ്റർ യുണൈറ്റഡ് ലീഡ് എടുത്തത്.

പിന്നാലെ ഗർനാചോ ലീഡ് ഇരട്ടിയാക്കി. ഒരു ഫ്രീകിക്ക് ലക്ഷ്യത്തിലെത്തിച്ച് ബ്രൂണോ ഫെർണാണ്ടസ് യുണൈറ്റഡിന്റെ മൂന്നാം ഗോൾ നേടി. ബ്രൂണോയുടെ സീസണിലെ ആദ്യ ഗോളായി ഇത്.

ഒരു സെറ്റ് പീസിൽ നിന്ന് കസെമിറോ കൂടെ ഗോൾ നേടിയതോടെ ലെസ്റ്ററിൽ നിന്ന് കളി അകന്നു. ആദ്യ പകുതിയിൽ തന്നെ ലെസ്റ്ററിനായി എൽ കാനൂസും കോഡിയും ഗോൾ നേടി സ്‌കോർ 4-2 എന്നാക്കി.

രണ്ടാം പകുതിയിൽ ലെസ്റ്റർ സിറ്റിയുടെ ഒരു ഡിഫൻസീവിൽ വന്ന പിഴവ് മുതലാക്കി ബ്രൂണോ വീണ്ടും വല കുലുക്കിയതോടെ മാഞ്ചസ്റ്റർ യുണൈറ്റഡ് 5-2ന്റെ വിജയം ഉറപ്പിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്