ഐസിസി ടെസ്റ്റ് ബൗള്‍മാരുടെ റാങ്കില്‍ പട്ടികയില്‍ ജസ്പ്രിത് ബുമ്രയ്ക്ക് ഒന്നാം സ്ഥാനം നഷ്ടപ്പെട്ടു. ദക്ഷിണാഫ്രിക്കയുടെ കഗിസോ റബാദയാണ് നിലവില്‍ ഒന്നാമന്‍. രണ്ടാം സ്ഥാനത്തുണ്ടായിരുന്ന ആര്‍ അശ്വിന്‍ നാലാമതായി.  ജോഷ് ഹേസല്‍വുഡാണ് രണ്ടാം സ്ഥാനത്തിന്റെ പുതിയ അവകാശി. ജസ്പ്രിത് ബുമ്ര മൂന്നാമത്. രണ്ട് സ്ഥാനം താഴോട്ടിറങ്ങി രവീന്ദ്ര ജഡേജ എട്ടാമതാണ്. 

അതേസമയം ബാറ്റർമാരുടെ പട്ടികയിൽ ഇന്ത്യന്‍ ഓപ്പണര്‍ യശസ്വി ജയ്സ്വാൾ നേട്ടമുണ്ടാക്കി. ഒരു സ്ഥാനം മെച്ചപ്പെടുത്തിയ താരം മൂന്നാം സ്ഥാനത്തേക്ക് കയറി. ആദ്യ പത്തില്‍ മറ്റ് ഇന്ത്യന്‍ താരങ്ങളാരുമില്ല. ഇംഗ്ലണ്ട് താരം ജോ റൂട്ട് ഒന്നാമത് തുടരുന്നു. 

ഇന്ത്യക്കെതിരെ പരമ്പര കളിച്ചില്ലെങ്കിലും കെയ്ന്‍ വില്യംസണ്‍ രണ്ടാം സ്ഥാനത്തുണ്ട്. അഞ്ച് സ്ഥാനങ്ങള്‍ താഴോട്ടിറങ്ങിയ റിഷഭ് പന്ത് 11-ാം സ്ഥാനത്താണിപ്പോള്‍. 

കിവീസിനെതിരെ മോശം ഫോമില്‍ കളിക്കുന്ന വിരാട് കോലി 14-ാം സ്ഥാനത്തേക്ക് വീണു. ആറ് സ്ഥാനങ്ങളാണ് കോലിക്ക് നഷ്ടമായത്. ഒരു സ്ഥാനം താഴത്തേക്ക് വീണ ശുഭ്മാന്‍ ഗില്‍ 20-ാം സ്ഥാനത്താണ്. ഇന്ത്യന്‍ ക്യാപ്റ്റന്‍ രോഹിത് ശര്‍മയ്ക്ക് ഒമ്പത് സ്ഥാനങ്ങള്‍ നഷ്ടമായി.

24-ാം സ്ഥാനത്താണ് രോഹിത്. ജയ്‌സ്വാള്‍ മൂന്നാം സ്ഥാനത്തേക്ക് കയറിതോടെ ഇംഗ്ലണ്ട് താരം ഹാരി ബ്രൂക്ക് നാലാം സ്ഥാനത്തേക്കിറങ്ങി. ഓസീസ് താരം സ്റ്റീവ് സ്മിത്താണ് അഞ്ചാമത്. ഉസ്മാന്‍ ഖവാജ ഒരു സ്ഥാനം മെച്ചപ്പെടുത്തി ആറാം സ്ഥാനത്തേക്ക് കയറി. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്