ദക്ഷിണാഫ്രിക്കൻ ക്രിക്കറ്റ് ടീം മുൻ നായകൻ ഫാഫ് ഡു പ്ലെസിസ് 2026-ലെ ഇന്ത്യൻ പ്രീമിയർ ലീഗ് (ഐ.പി.എൽ) സീസണിൽ നിന്നും പിന്മാറി.

അടുത്ത മാസം നടക്കാനിരിക്കുന്ന താരലേലത്തിൽ തന്റെ പേര് ഉൾപ്പെടുത്തേണ്ടെന്ന് താരം പ്രസ്താവനയിലൂടെ അറിയിച്ചു.

എങ്കിലും, ഭാവിയിൽ തീർച്ചയായും ഐപിഎല്ലിലേക്ക് തിരിച്ചുവരുമെന്ന് ഡു പ്ലെസിസ് ആരാധകർക്ക് ഉറപ്പ് നൽകി.

“കഴിഞ്ഞ 14 വർഷമായി ഞാൻ ഐപിഎൽ കളിക്കുന്നു. ഈ വർഷത്തെ ലേലത്തിൽ എന്റെ പേര് ഉൾപ്പെടുത്തേണ്ടെന്ന് ഞാൻ തീരുമാനിച്ചു. ഇതൊരു വലിയ തീരുമാനമാണ്, തിരിഞ്ഞുനോക്കുമ്പോൾ വലിയ നന്ദിയോടെയാണ് ഞാനതിനെ കാണുന്നത്. ഐപിഎൽ എന്റെ ക്രിക്കറ്റ് കരിയറിന്റെ ഒരു വലിയ ഭാഗമായിരുന്നു,” ഡു പ്ലെസിസ് ഇൻസ്റ്റാഗ്രാമിൽ കുറിച്ചു.

ലോകോത്തര താരങ്ങൾക്കൊപ്പം കളിക്കാനും മികച്ച ഫ്രാഞ്ചൈസികൾക്ക് വേണ്ടി കളിക്കാനും കഴിഞ്ഞതിൽ താൻ അഭിമാനിക്കുന്നുവെന്നും, ഇന്ത്യയിൽ നിന്ന് മികച്ച സൗഹൃദങ്ങളും പാഠങ്ങളും ഓർമകളും ലഭിച്ചെന്നും അദ്ദേഹം കൂട്ടിച്ചേർത്തു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്