തന്റെ പ്രൊഡക്ഷൻ ഹൗസായ ഗ്രാസ് റൂട്ട് ഫിലിം കമ്പനിയുടെ കീഴിൽ ഇനി സിനിമകൾ നിർമ്മിക്കില്ലെന്ന് പ്രഖ്യാപിച്ച് വെട്രിമാരൻ. കാക്കമുട്ടൈ, കൊടി, ലെന്സ്, സംഗത്തലൈവന്, തുടങ്ങിയ തമിഴില് ഏറെ പ്രശംസ നേടിയ ചിത്രങ്ങള് വെട്രിമാരന്റെ പ്രൊഡക്ഷന് കമ്പനിയായ ഗ്രാസ് റൂട്ട് ഫിലിം കമ്പനിയാണ് നിര്മിച്ചത്.
വര്ഷാ ഭരത് സംവിധാനം ചെയ്യുന്ന ബാഡ് ഗേള് എന്ന ചിത്രമാണ് നിലവില് വെട്രിമാരന്റെ ഗ്രാസ് റൂട്ട് ഫിലിം കമ്പനി നിര്മിക്കുന്നത്. താന് നിര്മിക്കുന്ന അവസാന ചിത്രമാകും ബാഡ് ഗേള് എന്നാണ് വെട്രിമാരന് അറിയിച്ചത്. ബാഡ് ഗേളും അതിന് മുമ്പ് നിര്മിച്ച ഗോപി നൈനാര് സംവിധാനം ചെയ്ത 'മാനുഷി'യും കാരണമുണ്ടായ വിവാദങ്ങളും ഈ ചിത്രങ്ങളുടെ പേരില് സെന്സര് ബോര്ഡുമായുണ്ടായ തര്ക്കങ്ങളുമാണ് ഇത്തരമൊരു തീരുമാനമെടുക്കാന് കാരണമെന്നും വെട്രമാരന് വ്യക്തമാക്കി .
ടീസറും ട്രെയ്ലറും അടക്കം ഒരു സിനിമയെ കുറിച്ചുള്ള അഭിപ്രായങ്ങളെ ഓരോന്നിനെയും ജാഗ്രതാപൂർവ്വം സമീപിക്കേണ്ടതുണ്ടെന്നും ഇക്കാര്യങ്ങളെല്ലാം തന്നെ സിനിമയുടെ വരുമാനത്തെ ബാധിക്കുമെന്നതിനാൽ നിർമ്മാതാവിനുമേലുള്ള അധിക സമ്മർദ്ദമാകും ഇതെന്നും പുതിയ സിനിമയായ ബാഡ് ഗേളിന്റെ പ്രസ് മീറ്റിനിടെ വെട്രിമാരൻ പറഞ്ഞു.
"മാനുഷി ഇപ്പോള് തന്നെ കോടതിയിലാണ്. അതിനായി അവരൊരു ഉത്തരവ് നല്കിയിട്ടുണ്ട്. ബാഡ് ഗേളിന്റെ കാര്യത്തിലും ചിത്രത്തിന് യു/എ സര്ട്ടിഫിക്കറ്റ് ലഭിക്കാന് റിവൈസിങ് കമ്മിറ്റിയുടെ പരിശോധനയ്ക്ക് വിധേയമാകേണ്ടതുണ്ട്. ഈ സിനിമയുടെ ടീസര് ഇറങ്ങിയപ്പോള് മുതല് ഒട്ടേറെ അഭ്യൂഹങ്ങള് ഉണ്ടായിരുന്നു. എന്നാല് ബാഡ് ഗേള് അത്തരത്തിലൊരു ചിത്രമല്ല എന്ന് എനിക്ക് ഉറപ്പിച്ചു പറയാന് കഴിയും.
മാനുഷി ഒരുതവണ സെന്സര് ബോര്ഡിന്റെ പരിശോധനയ്ക്കും രണ്ട് തവണ റിവൈസിങ് കമ്മിറ്റിയുടെ പരിശോധനയ്ക്കും വിധേയമായതാണ്. നിര്മാതാവായിരിക്കുക എന്നത് വലിയ വെല്ലുവിളിയാണ്. അതുകൊണ്ടാണ് ബാഡ് ഗേള് എന്ന ചിത്രത്തിന് ശേഷം ഗ്രാസ് റൂട്ട് ഫിലിം കമ്പനി അടച്ചുപൂട്ടാന് ഞങ്ങള് തീരുമാനിച്ചത്." വെട്രിമാരൻ പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260317055909.jpg)
1-20260317055329.jpg)
-20260317054527.jfif)
-20201013040751.jpeg)
-20201113034034.jpg)
-20260314122911.jfif)
1-20260316090949.jpg)
-20201002015921.jpg)
