വിവാഹ വസ്ത്രത്തിൽ 'എലിസബത്ത് ടെയ്‌ലർ' സ്റ്റൈൽ, ഐകോണിക് ഗൗൺ വീണ്ടും ഒരുക്കാൻ ടെയ്‌ലർ സ്വിഫ്റ്റ്

APRIL 16, 2026, 4:28 AM

പോപ്പ് താരം ടെയ്‌ലർ സ്വിഫ്റ്റും കാമുകനും എൻഎഫ്എൽ (NFL) താരവുമായ ട്രാവിസ് കെൽസിയും തമ്മിലുള്ള വിവാഹ വാർത്തകൾക്കായി കാത്തിരിക്കുകയാണ് ആരാധകർ. ഇപ്പോൾ പുറത്തുവരുന്ന ഏറ്റവും പുതിയ റിപ്പോർട്ടുകൾ പ്രകാരം, വിഖ്യാത ഹോളിവുഡ് നടി എലിസബത്ത് ടെയ്‌ലറുടെ വിവാഹ വസ്ത്രത്തിൽ നിന്ന് പ്രചോദനം ഉൾക്കൊണ്ടാണ് ടെയ്‌ലർ തന്റെ വെഡിങ് ഗൗൺ ഒരുക്കുന്നത്.

'ഡെയ്‌ലി മെയിൽ' റിപ്പോർട്ട് പ്രകാരം, 1950-ൽ കോൺറാഡ് ഹിൽട്ടണുമായുള്ള എലിസബത്ത് ടെയ്‌ലറുടെ ആദ്യ വിവാഹത്തിന് അണിഞ്ഞ ഐക്കോണിക് വസ്ത്രത്തിന്റെ മാതൃകയിലായിരിക്കും ടെയ്‌ലർ സ്വിഫ്റ്റിന്റെയും വിവാഹ വസ്ത്രം.

തന്റെ മ്യൂസിക് വീഡിയോയുടെ ചിത്രീകരണ വേളയിൽ എലിസബത്തിന്റെ പഴയ ചിത്രങ്ങൾ കണ്ടതാണ് ടെയ്‌ലറെ ഈ സ്റ്റൈലിലേക്ക് ആകർഷിച്ചത്. എലിസബത്തിന്റെ വസ്ത്രങ്ങളിലെ സങ്കീർണ്ണമായ ലൈസ് വർക്കുകളും ക്ലാസിക് ചാർമും ടെയ്‌ലറെ വല്ലാതെ സ്വാധീനിച്ചുവെന്ന് അടുത്ത വൃത്തങ്ങൾ സൂചിപ്പിക്കുന്നു.

ആദ്യം ജൂൺ 13-ന് വിവാഹം നടക്കുമെന്നായിരുന്നു അഭ്യൂഹങ്ങൾ. എന്നാൽ, ഏറ്റവും പുതിയ വിവരങ്ങൾ പ്രകാരം ജൂലൈ 3-ന് ന്യൂയോർക്ക് സിറ്റിയിൽ വെച്ചായിരിക്കും ഈ വിവാഹം നടക്കുക. അതിഥികൾക്കെല്ലാം കർശനമായ നോൺ-ഡിസ്‌ക്ലോഷർ എഗ്രിമെന്റ് (NDA) ഏർപ്പെടുത്തിയിട്ടുള്ളതിനാൽ വിവാഹ വിവരങ്ങൾ അതീവ രഹസ്യമായാണ് സൂക്ഷിക്കുന്നത്.

വിവാഹത്തിന് ശേഷം ബഹാമാസ്, ഇറ്റലി, ഓസ്‌ട്രേലിയ എന്നിവിടങ്ങളിലേക്ക് ആഡംബരപൂർണ്ണമായ ഹണിമൂൺ യാത്രയും ദമ്പതികൾ പ്ലാൻ ചെയ്തിട്ടുണ്ട്. സോഷ്യൽ മീഡിയയിൽ നിന്ന് വിട്ടുനിന്ന് തികച്ചും സ്വകാര്യമായിട്ടായിരിക്കും ഈ യാത്രകൾ. എലിസബത്ത് ടെയ്‌ലറുടെ പ്രണയങ്ങളെക്കുറിച്ച് പരാമർശിക്കുന്ന വരികൾ ടെയ്‌ലർ സ്വിഫ്റ്റിന്റെ പാട്ടുകളിൽ നേരത്തെ തന്നെ ഇടംപിടിച്ചിട്ടുള്ളതാണ്.