ലോകമെങ്ങും ആരാധകരുള്ള സീരീസ് ആണ് ഗെയിം ഓഫ് ത്രോൺസ്. 2019ലാണ് ഈ സീരിസ് അവസാനിച്ചത്. എന്നാല്‍ ഇപ്പോഴും ഇതിലെ കഥയും കഥാപാത്രങ്ങളും ചര്‍ച്ചയാകുന്നുണ്ട്. സീരീസിൽ ഏറ്റവും പ്രധാനപ്പെട്ട കഥാപാത്രമാണ് ജോൺ സ്നോ. കിരീടത്തിന്‍റെ യഥാര്‍ത്ഥ അവകാശിയായിട്ടും അവസാനം മതിലിന് അപ്പുറം ജോണ്‍ സ്നോ മറയുന്നയിടത്താണ് സീരിസ് അണിയറക്കാർ അവസാനിപ്പിച്ചത്. 

എന്നാൽ കിറ്റ് ഹാരിംഗ്ടണ്‍ അവതരിപ്പിച്ച ഈ കഥാപാത്രത്തിനായി ഉടൻ തന്നെ ഒരു സീരിസ് ഒരുങ്ങുമെന്ന് ആണ് ആരാധകർ പ്രതീക്ഷിച്ചിരുന്നത്. 2022-ൽ  ഇത് സംബന്ധിച്ച് ഗൗരവമായ ആലോചന എച്ച്ബിഒ നടത്തുന്നു എന്ന് വിവരം പുറത്തുവന്നിരുന്നു. ഇതിനായുള്ള കാത്തിരിപ്പിലായിരുന്നു ആരാധകർ. 

എന്നാല്‍ ഏറ്റവും പുതിയ വെളിപ്പെടുത്തല്‍ പ്രകാരം ജിഒടി ആരാധകര്‍ക്ക് വൻ നിരാശയാണ് ലഭിക്കുന്നത്. സ്‌ക്രീൻ റാൻ്റുമായുള്ള ഒരു അഭിമുഖത്തിൽ 2022-ജോണ്‍ സ്നോയുടെ സീരിസ് സംബന്ധിച്ച് വന്ന വാര്‍ത്തയോട് ജോണ്‍ സ്നോയെ തന്നെ അവതരിപ്പിച്ച കിറ്റ് ഹാരിംഗ്ടണിന്‍റെ പ്രതികരണം വന്നതോടെയാണ് ഈ പ്രതീക്ഷ അവസാനിച്ചത്. 

ഇത്തരം ഒരു ജോണ്‍ സ്നോ സ്പിന്‍ ഓഫിനായി ശ്രമം നടന്നതെങ്കിലും നല്ല കഥ ലഭിക്കാത്തതിനാൽ ശ്രമം ഉപേക്ഷിക്കുന്നു എന്നാണ് പുറത്തു വരുന്ന വിവരം. “നിലവിൽ ആലോചനയുണ്ട്. എന്നാല്‍ ശരിക്കുള്ള ഒരു കഥ കണ്ടെത്താന്‍ ഇതുവരെ സാധിച്ചിട്ടില്ല. അതിനാൽ, തൽക്കാലം ഈ പ്രൊജക്ടിലേക്ക് നീങ്ങേണ്ടതില്ലെന്നാണ് തീരുമാനം. എന്നാല്‍ ഭാവിയില്‍ വല്ല തീരുമാനവും വന്നേക്കും. എന്നാല്‍ ഇപ്പോള്‍ ഈ ഷോയില്‍ പ്രവര്‍ത്തനം ഒന്നും നടക്കുന്നില്ല" എന്നാണ് കിറ്റ് ഹാരിംഗ്ടണ്‍ പറഞ്ഞത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്