അനുഷ്ക ഷെട്ടിക്ക് അപൂർവ രോഗം

JULY 11, 2024, 2:11 PM

സൂപ്പർ എന്ന തെലുങ്ക് ചിത്രത്തിലൂടെ വെള്ളിത്തിരയിലെത്തിയ അനുഷ്ക ഷെട്ടി ഇന്ന് തെന്നിന്ത്യയിൽ ഏറെ ആരാധകരുള്ള നടിയാണ്. അരുന്ധതി എന്ന ചിത്രത്തിലൂടെ മലയാളികളുടെ പ്രിയങ്കരിയായി അനുഷ്ക മാറി.

മലയാളത്തിൽ കത്തനാരിലാണ് എന്ന ചിത്രത്തിലാണ് അനുഷ്‌ക ഇപ്പോൾ അഭിനയിക്കുന്നത്. ഈ അവസരത്തിൽ നടിയുടെ അപൂർവ രോഗത്തെ കുറിച്ചുള്ള ചർച്ചകളാണ് സോഷ്യൽ ലോകത്ത് നടക്കുന്നത്.

നിയന്ത്രണമില്ലാതെ ചിരിക്കുകയും കരയുകയും ചെയ്യുന്ന രോഗമാണ് തനിക്ക് ഉള്ളതെന്ന് നേരത്തെ അനുഷ്ക തുറന്നു പറഞ്ഞിരുന്നു. സ്യൂഡോബള്‍ബര്‍ അഫക്ട് (Pseudobulbar Affect) എന്നാണ് ഈ രോഗവസ്ഥയുടെ പേര്. മസ്തിഷ്കത്തെ ബാധിക്കുന്ന അപൂര്‍വ്വ ന്യൂറോളജിക്കല്‍ രോഗാവസ്ഥ ആണിത്.

"ചിരിക്കുന്നത് ഒരു രോഗമാണോ എന്ന് നിങ്ങൾ വിചാരിച്ചേക്കാം, ചിരി ഒരു രോഗമല്ല, പക്ഷേ എനിക്കതൊരു രോഗമാണ്. ഒരിക്കൽ ചിരിക്കാൻ തുടങ്ങിയാൽ 15-20 മിനിറ്റ് എനിക്ക് നിർത്താൻ കഴിയില്ല.

കോമഡി സീനുകള്‍ കാണുമ്പോഴോ ഷൂട്ട് ചെയ്യുമ്പോഴോ ഒക്കെ വല്ലാണ്ട് ചിരിക്കും. ഇക്കാര്യം കൊണ്ട് പലതവണ ഷൂട്ടിങ്ങുകള്‍ മാറ്റിവയ്ക്കേണ്ടി വന്നിട്ടുണ്ട്", എന്നാണ് അനുഷ്ക പറഞ്ഞത്. അനുഷ്കയുടെ പേഴ്സണല്‍ ട്രെയിനര്‍ ആയ കിരണും ഇക്കാര്യം സ്ഥിരീകരിച്ചിരുന്നു.