ലോകമൊട്ടാകെ ഫാന്‍സുള്ള സിനിമാ താരങ്ങളാണ് ബ്രാഡ് പിറ്റും ആഞ്ജലീന ജോളിയും.  ഒരു കാലത്ത് ഹോളിവുഡില്‍ ഏറ്റവും ശ്രദ്ധനേടിയ പ്രണയജോടികളായിരുന്നു ഇരുവരും. മിസ്റ്റര്‍ ആന്റ് മിസിസ് സ്മിത്ത് എന്ന ചിത്രത്തില്‍ അഭിനയിക്കുമ്പോഴാണ് ഇരുവരും പ്രണയത്തിലാകുന്നത്.

ഒന്‍പത് വര്‍ഷത്തെ നീണ്ട പ്രണയത്തിന് ശേഷം 2014 ലാണ് ഇരുവരും വിവാഹിതരാകുന്നത്. ജീവ കാരുണ്യ പ്രവര്‍ത്തനങ്ങളില്‍ സജീവമായിരുന്ന താരദമ്പതികള്‍ക്ക് ആറ് കുട്ടികളാണുള്ളത്. ഇതില്‍ മൂന്നു കുട്ടികളെ വിയറ്റ്നാം, കംബോഡിയ, എത്യോപ്യ എന്നിവിടങ്ങളില്‍ നിന്ന് ദത്തെടുത്തതാണ്.

ഇപ്പോഴിതാ ആഞ്ജലീന ജോളി തൻ്റെ ആറ് കുട്ടികളുടെ ഭാവിയെക്കുറിച്ച് സംസാരിക്കുകയാണ്. അവർ വലുതാകുമ്പോൾ എന്തുചെയ്യണമെന്നതിനെക്കുറിച്ച് അവൾക്ക് ഒരു ധാരണയുണ്ടെന്ന് നടി പറഞ്ഞു.മഡോക്സ് (23) പാക്സ്( 20) സഹാറ(19) ഷിലോഹ് (18) 16 വയസ്സുള്ള ഇരട്ടകളായ വിവിയൻ, നോക്സ് എന്നിങ്ങനെ 6 മക്കളാണുള്ളത്.

''അഭിനയമല്ല  അവരുടെ ഭാവി. അവർ പ്രത്യേകിച്ച് ലജ്ജാശീലരും വളരെ സ്വകാര്യത ഇഷ്ടപെടുന്നവരുമാണ്.എന്നാൽ കുട്ടികളിൽ പലരും ഇതിനകം തിരശ്ശീലയ്ക്ക് പിന്നിൽ പ്രവർത്തിച്ചിട്ടുണ്ട്. മാഡും പാക്സും അസിസ്റ്റൻ്റ് ഡയറക്‌ടിംഗ് ജോലികൾ ചെയ്യുന്നുണ്ട്. പാക്‌സിന് നിശ്ചലദൃശ്യങ്ങൾ ചെയ്യാൻ താൽപ്പര്യമുണ്ട്. മകൾ വിവിയൻ മ്യൂസിക്കല്‍ ആല്‍ബത്തിന്‍റെ തിരക്കിലാണെന്നും ആഞ്ജലീന ജോളി കൂട്ടിച്ചേർത്തു.  

കുട്ടികളുടെ സംരക്ഷണം ആഞ്ജലീനയ്ക്ക് വിട്ടുനല്‍കാനായിരുന്നു കോടതിയുടെ വിധി. കുട്ടികളെ കാണാനുള്ള അവകാശം ബ്രാഡ് പിറ്റിന് നല്‍കുകയും ചെയ്തിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്