'ജന്‍ സൂരജ് പാര്‍ട്ടി': പ്രശാന്ത് കിഷോറിന്റെ പുതിയ പാര്‍ട്ടി ഒക്ടോബര്‍ രണ്ടിന്

JULY 29, 2024, 6:37 AM

പട്ന: ഒക്ടോബര്‍ രണ്ട് ഗാന്ധി ജയന്തി ദിനത്തില്‍ ജാന്‍ സൂരജ് എന്ന രാഷ്ട്രീയ പാര്‍ട്ടി ഔദ്യോഗികമായി ആരംഭിക്കുമെന്ന് തിരഞ്ഞെടുപ്പ് തന്ത്രജ്ഞന്‍ പ്രശാന്ത് കിഷോര്‍. ഞായറാഴ്ച പട്നയിലെ ബാപ്പു സഭാഘറില്‍ ജന്‍ സൂരജ് പ്രചാരണത്തിനിടെ പ്രവര്‍ത്തകരെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.

പാര്‍ട്ടിയുടെ തറക്കല്ലിടല്‍ ഒക്ടോബര്‍ രണ്ടിന് നടക്കുമെന്നും ഒരു ലക്ഷത്തിലധികം ആളുകളെ അതിന്റെ ഭാരവാഹികളായി പാര്‍ട്ടി ആരംഭിക്കുമെന്നും അദ്ദേഹം പറഞ്ഞു. ജന്‍ സൂരജ് പാര്‍ട്ടിയെ താന്‍ നയിക്കില്ലെന്നും പാര്‍ട്ടി അംഗങ്ങളില്‍ നിന്ന് നേതാക്കളെ തിരഞ്ഞെടുക്കുമെന്നും കിഷോര്‍ പറഞ്ഞു.

''നിങ്ങള്‍ ജന്‍ സുരാജുമായോ അതിന്റെ പദയാത്രയുമായോ അതിന്റെ ആളുകളുമായോ ചേര്‍ന്നിട്ടില്ല. ബിഹാറിന് വേണ്ടി മെച്ചപ്പെട്ട ബദലിനുവേണ്ടി പ്രക്ഷോഭം നടത്തിയവരുമായി നിങ്ങള്‍ സ്വയം അണിനിരക്കുകയും മികച്ച ബദലിന്റെ അഭാവത്തില്‍ ഒന്നിക്കുകയും ചെയ്തു,' അദ്ദേഹം പറഞ്ഞു.

ബിഹാറില്‍ നിന്നുള്ള അടുത്ത തലമുറ മെച്ചപ്പെട്ട വിദ്യാഭ്യാസമോ ജോലിയോ ആരോഗ്യപരിരക്ഷയോ തേടി സംസ്ഥാനത്തിന് പുറത്തേക്ക് പോകുന്നില്ലെന്ന് ഉറപ്പാക്കാന്‍ പ്രശാന്ത് കിഷോര്‍ പ്രവര്‍ത്തകരോട് ആഹ്വാനം ചെയ്തു. 2025ല്‍ ബിഹാറില്‍ നടക്കുന്ന നിയമസഭാ തിരഞ്ഞെടുപ്പില്‍ പാര്‍ട്ടി വിജയിക്കുമെന്ന് അദ്ദേഹം അവകാശപ്പെട്ടു.