സിപിഎം ആലപ്പുഴ ജില്ലാ സെക്രട്ടറിയായി ആർ നാസര്‍ തുടരും: യു പ്രതിഭയും അരുണ്‍കുമാര്‍ എംഎൽഎയും ജില്ലാ കമ്മിറ്റിയിൽ

JANUARY 12, 2025, 12:58 AM

ആലപ്പുഴ: സിപിഎം ആലപ്പുഴ ജില്ലാ സെക്രട്ടറിയായി ആര്‍ നാസര്‍ തന്നെ തുടരും. ആലപ്പുഴ ജില്ലാ സെക്രട്ടറിയായി മൂന്നാം തവണയാണ് ആർ നാസർ തെരഞ്ഞെടുക്കപ്പെടുന്നത്.

ആലപ്പുഴ ജില്ലാ കമ്മിറ്റിയിലേക്ക് അഞ്ച് പുതുമുഖങ്ങളാണ് എത്തിയത്. യു പ്രതിഭ എംഎൽഎയെ സിപിഎം ജില്ലാ കമ്മിറ്റിയിൽ ഉള്‍പ്പെടുത്തിയപ്പോള്‍ നിലവിൽ ജില്ലാ കമ്മിറ്റിയിലുള്ള അഞ്ചു പേരെ ഒഴിവാക്കി.

മാവേലിക്കര എംഎൽഎ എംഎസ് അരുണ്‍കുമാറും ജില്ലാ കമ്മിറ്റിയിലെത്തി. ആലപ്പുഴ ഏരിയ സെക്രട്ടറി അജയ് സുരേന്ദ്രനും മാരാരിക്കുളം ഏരിയ സെക്രട്ടറി സി രഘുനാഥും അടക്കം അഞ്ചുപേരാണ് പുതുതായി ജില്ലാ കമ്മിറ്റിയിലെത്തിയത്.