എനര്‍ജി ഡ്രിങ്ക് പിറകെ നിൽക്കണം; വ്യായാമത്തിന് മുമ്പ് കരിക്കിൻ വെള്ളം ബെസ്റ്റ് !

DECEMBER 17, 2024, 9:51 AM

ഫിറ്റ്‌നസ് പ്രേമികള്‍ വര്‍ക്ക് ഔട്ട് ചെയ്യുന്നതിനു മുമ്പ് പ്രോട്ടീന്‍ ഷേക്ക് അല്ലെങ്കില്‍ സ്മൂത്തി ഇവ കഴിക്കാറുണ്ട് .വ്യായാമത്തിന് മുമ്പുള്ള ഇത്തരം പാനീയങ്ങള്‍ ഊര്‍ജ്ജം വര്‍ദ്ധിപ്പിക്കാനും പ്രകടനം മെച്ചപ്പെടുത്താനും സഹായിക്കും.

വ്യായാമ വേളയില്‍ ജലാംശം നിലനിര്‍ത്താന്‍ ഒരു ഗ്ലാസ് വെള്ളം നല്ലതാണെങ്കിലും, ഊര്‍ജം നല്‍കാന്‍ തേങ്ങാവെള്ളം മികച്ച ഒരു പാനീയമാണ്. ആരോഗ്യത്തിന് ഒന്നിലധികം ഗുണങ്ങള്‍ നല്‍കുന്നതിനാല്‍ വ്യായാമത്തിന് മുമ്പ് തേങ്ങാവെള്ളം കുടിക്കുന്നത് അനുയോജ്യമാണ് . ഇതില്‍ ഇലക്‌ട്രോലൈറ്റുകള്‍ അടങ്ങിയിട്ടുണ്ട്. ഇത് ജലാംശം നിലനിര്‍ത്താനും പേശികളുടെ പ്രവര്‍ത്തനത്തെ പിന്തുണയ്ക്കാനും സഹായിക്കുന്നു.

തേങ്ങാവെള്ളം പൊട്ടാസ്യം, സോഡിയം, മഗ്‌നീഷ്യം തുടങ്ങിയ പോഷകങ്ങളും ഇലക്‌ട്രോലൈറ്റുകളും അടങ്ങിയ പാനീയമാണ്. നൂറ് മില്ലി ലിറ്റര്‍ തേങ്ങാവെള്ളത്തില്‍ 171 മില്ലിഗ്രാം പൊട്ടാസ്യം, 27 മില്ലിഗ്രാം സോഡിയം, 7 മില്ലിഗ്രാം മഗ്‌നീഷ്യം, 5.42 ഗ്രാം കാര്‍ബോഹൈഡ്രേറ്റ് എന്നിവ അടങ്ങിയിട്ടുണ്ടെന്ന് യു.എസ്. ഡിപ്പാര്‍ട്ട്‌മെന്റ് ഓഫ് അഗ്രികള്‍ച്ചര്‍ പറയുന്നു. പരിശീലനത്തിന് മുമ്പുള്ള പാനീയമായി തേങ്ങാവെള്ളം കുടിക്കുന്നത് പോഷക മൂല്യമുള്ളതിനാലാണ്.

പൊട്ടാസ്യം: പേശികളുടെ നേട്ടത്തിന് പ്രോട്ടീന്‍ പ്രധാനമാണെങ്കില്‍, പേശികളുടെ പ്രവര്‍ത്തനത്തിനും പൊട്ടാസ്യം അത്യാവശ്യമാണ്. തേങ്ങാ വെള്ളം ദ്രാവക ബാലന്‍സ് നിലനിര്‍ത്തുന്നതിനും രക്തസമ്മര്‍ദ്ദം നിയന്ത്രിക്കുന്നതിനും സഹായിക്കുന്നതായി വിദഗ്ദ്ധന്‍ പറയുന്നു.

സോഡിയം, മഗ്‌നീഷ്യം: വിയര്‍പ്പില്‍ നഷ്ടപ്പെടുന്ന ഇലക്‌ട്രോലൈറ്റുകളാണ് ഇവ. ജലാംശം നിലനിര്‍ത്താനും പേശിവലിവ് തടയാനും ഇത് സഹായിക്കും.

കാര്‍ബോഹൈഡ്രേറ്റ്‌സ്: കൃത്രിമ അഡിറ്റീവുകളൊന്നുമില്ലാതെ വേഗത്തില്‍ ഊര്‍ജ്ജസ്രോതസ്സ് നല്‍കുന്നു.

കുറഞ്ഞ കലോറി: ഇത് ഭാരം കുറഞ്ഞതും എളുപ്പത്തില്‍ ദഹിക്കുന്നതുമാണ്. USDA പ്രകാരം നൂറ് മില്ലി തേങ്ങാവെള്ളത്തില്‍ 21 കലോറി അടങ്ങിയിട്ടുണ്ട്.

പ്രകൃതിദത്ത പഞ്ചസാരകള്‍: ഇവ പലപ്പോഴും ഊര്‍ജ്ജ തകര്‍ച്ചയുടെ അപകടസാധ്യതയില്ലാതെ ഉടനടി ഊര്‍ജ്ജം നല്‍കുന്നു.

ജലാംശം നല്‍കുന്നു: പരിക്കുകള്‍ തടയുന്നതിനും, ഫിറ്റ്‌നസ് വീണ്ടെടുക്കുന്നതിനും ജലാംശം ഒരു പ്രധാന പങ്ക് വഹിക്കുന്നു. വ്യായാമത്തിന് മുമ്ബ് ഏകദേശം 1 ഗ്ലാസ് തേങ്ങാവെള്ളം സുരക്ഷിതമാണ്. എന്നാല്‍ വ്യായാമത്തിന് 20 മുതല്‍ 30 മിനിറ്റ് മുമ്ബ് ഇത് കുടിക്കുക.