ദേശീയ ചലച്ചിത്ര ദിനത്തില് കുറഞ്ഞ നിരക്കില് തിയേറ്ററില് സിനിമ കാണാന് അവസരമൊരുക്കി മള്ട്ടിപ്ലെക്സ് അസോസിയേഷന് ഓഫ് ഇന്ത്യ. ടിക്കറ്റ് ഒന്നിന് 99 രൂപയാണ് നിശ്ചയിച്ചിരിക്കുന്നത്. നാളെയാണ് ദേശീയ ചലചിത്ര ദിനം. രാജ്യത്തെ പ്രമുഖ മള്ട്ടിപ്ലെക്സ് ശൃംഖലകളുടെ 4000 ലധികം സ്ക്രീനുകളിലാണ് ചലച്ചിത്ര ദിനം ആഘോഷിക്കുന്നത്.
പിവിആര് ഐനോക്സ്, സിനിപോളിസ്, മിറാഷ്, സിറ്റിപ്രൈഡ്, ഏഷ്യന്, മുക്ത എ 2, മൂവി ടൈം, വേവ്, മൂവിമാക്സ്, എം2കെ, ഡിലൈറ്റ് തുടങ്ങിയ മള്ട്ടിപ്ലെക്സ് ശൃംഖലകളില് സെപ്റ്റംബര് 20 ന് ഈ ഓഫര് ലഭ്യമാകും. ഇന്ത്യന് സിനിമ വ്യവസായം ഈ വര്ഷം വരിച്ച വലിയ വിജയത്തിന് പ്രേക്ഷകരോടുള്ള തങ്ങളുടെ നന്ദി പറച്ചിലാണ് ദേശീയ സിനിമ ദിനമെന്ന് മള്ട്ടിപ്ലെക്സ് അസോസിയേഷന് വാര്ത്ത കുറിപ്പില് അറിയിച്ചു.
ഇത് മൂന്നാം തവണയാണ് അസോസിയേഷന് ദേശീയ ചലച്ചിത്ര ദിനം സംഘടിപ്പിക്കുന്നത്. കഴിഞ്ഞ രണ്ട് വര്ഷങ്ങളിലും പ്രേക്ഷകരുടെ തള്ളിക്കയറ്റം തന്നെ ഈ ദിവസം ഉണ്ടായിരുന്നു. 2023 ലെ ദേശീയ ചലച്ചിത്ര ദിനം ഒക്ടോബര് 13 നായിരുന്നു. അന്നേ ദിവസം 60 ലക്ഷത്തിലധികം ആളുകളാണ് പ്രത്യേക നിരക്കില് ടിക്കറ്റ് വാങ്ങിയതെന്ന് അസോസിയേഷന് അറിയിച്ചിരുന്നു. പുതിയ റിലീസുകളും പ്രിയപ്പെട്ട ക്ലാസിക്കുകളും പ്രദര്ശിപ്പിക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്