എടിഎം ഉപയോഗത്തിന്റെ കൈമാറ്റ നിരക്ക് വർധിപ്പിക്കണമെന്ന് ആവശ്യപ്പെട്ട് റിസർവ് ബാങ്കിനെയും നാഷണൽ പേയ്‌മെൻ്റ് കോർപ്പറേഷൻ ഓഫ് ഇന്ത്യയെയും സമീപിച്ച് കോൺഫെഡറേഷൻ ഓഫ് എടിഎം ഇൻഡസ്ട്രി (സിഎടിഎംഐ).

എടിഎം വഴി പണം പിൻവലിക്കുന്നതിന് ഈടാക്കുന്ന തുകയാണ് ട്രാൻസ്ഫർ ഫീസ്.ഏത് ബാങ്കിന്റെ എ ടി എമ്മില്‍ നിന്നുമാണോ പണം പിന്‍വലിക്കുന്നത്, ആ ബാങ്കിലേക്ക് കാര്‍ഡ് ഇഷ്യൂ ചെയ്യുന്ന ബാങ്കാണ് ഈ പണം അടയ്ക്കുന്നത്. കൈമാറ്റ തുക ഓരോ ഇടപാടിനും നിലവിലെ നിരക്കില്‍ നിന്ന് 2 രൂപ ഉയര്‍ത്തി 23 ആക്കി മാറ്റണം എന്നാണ് സിഎടിഎംഐയുടെ ആവശ്യം.

നിലവിൽ, ബെംഗളൂരു, ന്യൂഡൽഹി, കൊൽക്കത്ത, ഹൈദരാബാദ്, ചെന്നൈ, മുംബൈ തുടങ്ങിയ നഗരങ്ങളിലെ സേവിംഗ്‌സ് അക്കൗണ്ടുകൾക്ക് പ്രതിമാസം അഞ്ച് എടിഎം ഇടപാടുകൾ വരെ സൗജന്യമാണ്. മറ്റിടങ്ങളിൽ, പ്രതിമാസം മൂന്ന് സൗജന്യ എടിഎം ഇടപാടുകൾ നൽകുന്നു.

കൈമാറ്റ നിരക്കില്‍ വര്‍ധനവ് നല്‍കിയിട്ട് രണ്ടുവര്‍ഷം പിന്നിടുകയാണ്.  2021-ൽ ട്രാൻസ്ഫർ നിരക്ക് 15 രൂപയിൽ നിന്ന് 17 രൂപയായി ഉയർത്തി. സൗജന്യ ഇടപാടുകൾ ഒഴികെയുള്ള എല്ലാ പണമിടപാടുകൾക്കും ഉപഭോക്താക്കളിൽ നിന്ന് ഈടാക്കുന്ന 'കാപ്പ് ഓൺ ഫീ' 20ൽ നിന്ന് 21 ആക്കി ഉയർത്തിയിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്