കാത്തിരിപ്പിന് വിരാമം നൽകികൊണ്ട് സാംസങ് ഗാലക്സി ബുക്ക് 4 അൾട്രയുടെ ഇന്ത്യൻ ലോഞ്ച് നടന്നു.ഗാലക്സി ബുക്ക് 4 സീരീസിൻ്റെ ഏറ്റവും മികച്ച മോഡൽ 2023 ഡിസംബറിൽ ആഗോളതലത്തിൽ അനാച്ഛാദനം ചെയ്തിരുന്നു. ഇൻ്റൽ കോർ അൾട്രാ 9 പ്രോസസറുകളും എൻവിഡിയ ജിഫോഴ്സ് ആർടിഎക്സ് 4070 ജിപിയുവും ഈ ലാപ്ടോപ്പിൽ ലഭ്യമാണ്.ഇന്റൽ കോർ അൾട്രാ സിപിയുകളിൽ ന്യൂറൽ പ്രോസസ്സിംഗ് യൂണിറ്റുകൾ (NPU) സജ്ജീകരിച്ചിരിക്കുന്നു എന്നതാണ് ഇതിന്റെ ഏറ്റവും പ്രധാനപ്പെട്ട പ്രത്യേകത. ഇത് എഐ പ്രകടനം മെച്ചപ്പെടുത്തുമെന്നാണ് കമ്പനി വ്യക്തമാക്കുന്നത്.
ഇന്ത്യയിലെ സാംസങ് ഗാലക്സി ബുക്ക് 4 അൾട്രയുടെ വില, ലഭ്യത:
സാംസങ് ഗ്യാലക്സി ബുക്ക് 4 അൾട്രായുടെ ഇന്ത്യയിലെ വില ആരംഭിക്കുന്നത് 2,33,990. രൂപ മുതലാണ്. 16ജിബി റാം , Nvidia GeForce RTX 4050 GPU എന്നിവയുമായി ജോടിയാക്കിയ ഇൻ്റൽ കോർ അൾട്രാ 7 സിപിയു വേരിയൻ്റിനാണ് ഈ വില വരുന്നത്. അതേസമയം, 32 ജിബി റാമും എൻവിഡിയ ജിഫോഴ്സ് ആർടിഎക്സ് 4070 ജിപിയുമുള്ള ഇൻ്റൽ കോർ അൾട്രാ 9 സിപിയു ഓപ്ഷൻ്റെ വില 2,81,990 രൂപയാണ്. ക്രോമ വഴിയും സാംസങ് ഇന്ത്യ വെബ്സൈറ്റ് വഴിയും ഇത് വാങ്ങാം.ഗ്രേ കളർവേയിലാണ് ലാപ്ടോപ്പ് വിപണിയിലേക്ക് എത്തുന്നത്.
എച്ച്ഡിഎഫ്സി ബാങ്കിൻ്റെ ക്രെഡിറ്റ്, ഡെബിറ്റ് കാർഡ് ഉപയോക്താക്കൾക്ക് ലാപ്ടോപ്പ് വാങ്ങുമ്പോൾ 12,000 തൽക്ഷണ കിഴിവ് ലഭിക്കും.എക്സ്ചേഞ്ച് ബോണസുകളും നോ-കോസ്റ്റ് ഇഎംഐ ഓപ്ഷനുകളും സൈറ്റിൽ ലിസ്റ്റ് ചെയ്തിട്ടുണ്ട്.
ഇന്ത്യയിലെ സാംസങ് ഗാലക്സി ബുക്ക് 4 അൾട്രയുടെ സവിശേഷതകൾ:
16-ഇഞ്ച് WQXGA+ (2,880 x 1,800 പിക്സലുകൾ) ടച്ച് AMOLED സ്ക്രീനോട് കൂടിയാണ് ഇത് നിർമിച്ചിരിക്കുന്നത്. എൻവിഡിയ ജിഫോഴ്സ് ആർടിഎക്സ് 4070 ജിപിയു വരെ ജോടിയാക്കിയ ഇൻ്റൽ കോർ അൾട്രാ 9 സിപിയു, 32 ജിബി വരെ റാം, 1 ടിബി ഓൺബോർഡ് സ്റ്റോറേജ് എന്നിവയാണ് ഇത് നൽകുന്നത്. ലാപ്ടോപ്പ് വിൻഡോസ് 11 ഹോം ഔട്ട്-ഓഫ്-ബോക്സിൽ പ്രവർത്തിക്കുന്നു.
ഗാലക്സി ബുക്ക് 4 അൾട്രായിൽ ഡോൾബി അറ്റ്മോസ് പിന്തുണയുള്ള ക്വാഡ് സ്പീക്കറുകളും ഡ്യുവൽ മൈക്രോഫോണുകളും സജ്ജീകരിച്ചിട്ടുണ്ട്.
ഫുൾ-എച്ച്ഡി വെബ്ക്യാമും ബാക്ക്ലിറ്റ് ന്യൂമറിക് കീബോർഡും ഇതിന്റെ മറ്റ് പ്രത്യേകതകളാണ്. ലാപ്ടോപ്പിൽ രണ്ട് തണ്ടർബോൾട്ട് 4, ഒരു യുഎസ്ബി ടൈപ്പ്-എ, ഒരു എച്ച്ഡിഎംഐ 2.1 പോർട്ട് എന്നിവയും മൈക്രോ എസ്ഡി കാർഡ് സ്ലോട്ടും ഓഡിയോ ജാക്കും ഉണ്ട്.
യുഎസ്ബി വഴി 140W ഫാസ്റ്റ് ചാർജിംഗിനുള്ള പിന്തുണയോടെ സാംസങ് ഗാലക്സി ബുക്ക് 4 അൾട്രായിൽ 76Wh ബാറ്ററിയാണ് പായ്ക്ക് ചെയ്തിരിക്കുന്നത്. 1.86 കിലോഗ്രാമാണ് ലാപിന്റെ ഭാരം.
ENGLISH SUMMARY: Samsung Galaxy Book 4 Ultra With Up to Intel Core Ultra 9 CPUs Launched in India: Price, Specifications
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്