ഏറ്റവും പുതിയ സോഫ്റ്റ്‌വെയർ അപ്‌ഡേറ്റിൽ ആപ്പിൾ അവതരിപ്പിച്ച ഫീച്ചറാണ് വോയിസ് മെയിൽ. ഇൻകമിംഗ് കോളുകൾക്ക് ഉത്തരം നൽകാൻ കഴിയുന്നില്ലെങ്കിൽ, വിളിക്കുന്നയാൾക്ക് വോയ്‌സ് മെയിൽ വഴി സന്ദേശം അയയ്‌ക്കാൻ കഴിയും.

ചില ഉപയോക്താക്കൾക്ക് ഈ സവിശേഷത ആകർഷകമായി തോന്നിയേക്കാം, എന്നാൽ ചിലർക്ക് ഇഷ്ടപ്പെടാൻ സാധ്യതയില്ല. ഐഒഎസ് 18ൽ പ്രവർത്തിക്കുന്ന ഫോണുകളിൽ ഈ ഫീച്ചർ ലഭ്യമാണ്. ഫോൺ ആപ്പിൻ്റെ വലത് കോണിലാണ് ആപ്പിൾ വോയ്‌സ്‌മെയിൽ ഓപ്ഷൻ നൽകിയിരിക്കുന്നത്. 

എന്താണ് വോയിസ് മെയിൽ 

ഐഫോണ്‍ ഉപയോക്താവിനെ ഒരാള്‍ വിളിക്കുകയാണ്. റിങ് പൂർണമായും അവസാനിച്ചതിന് ശേഷം ഐഫോണ്‍ ഓട്ടോമാറ്റിക്കായി തന്നെ കോള്‍ സ്വീകരിക്കും. വിളിക്കുന്നയാള്‍ക്ക് വോയിസ് സന്ദേശം കൈമാറാൻ സാധിക്കും.

മൂന്ന് മിനുറ്റ് വരെ ദൈർഘ്യമുള്ള സന്ദേശം അയക്കാം. പ്രധാനപ്പെട്ട എന്തെങ്കിലും കാര്യമാണ് പറയേണ്ടതെങ്കില്‍ വോയിസ് മെയില്‍ സംവിധാനം ഉപയോഗപ്രദമാണ്.

ഐഫോൺ ഉപയോക്താക്കൾക്ക് സാധാരണ ശബ്ദ സന്ദേശങ്ങൾ കേൾക്കുന്നത് പോലെ ഈ സന്ദേശങ്ങളും കേൾക്കാനാകും. ഐഫോൺ വോയ്‌സ് ട്രാൻസ്‌ക്രൈബിംഗും നൽകുന്നു. ഇത് ഇംഗ്ലീഷിൽ ലഭ്യമാണ്. വിളിക്കുന്നയാൾ മറ്റൊരു ഭാഷ സംസാരിക്കുകയാണെങ്കിൽ സാധ്യമല്ല.

വോയിസ് മെയിലിൽ താൽപ്പര്യമില്ലാത്തവർക്ക് ഈ ഫീച്ചർ ഒഴിവാക്കാം

1. ഇതിനായി സെറ്റിംഗ്സ്  തുറക്കുക. 
   
2. ആപ്‌സില്‍ (Apps) ഫോണ്‍ (Phone) സെലക്‌ട് ചെയ്തതിന് ശേഷം ലൈവ് വോയിസ് (Live Voice) മെയില്‍ തുറക്കുക.
3. ഇവിടെ നിങ്ങള്‍ക്ക് വോയിസ് മെയില്‍ ഓഫ് ചെയ്തിടാനാകും.
   

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്