ക്ഷേത്ര ഭണ്ഡാരത്തിൽ അബദ്ധത്തിൽ വീണ് ഐ ഫോൺ; യുവാവിന് കിട്ടിയത് എട്ടിന്റെ പണി !

DECEMBER 21, 2024, 9:46 AM

ചെന്നൈയിൽ നേർച്ചപ്പെട്ടിയിലേക്ക് പണം ഇടുന്നതിന് ഇടയിൽ അബദ്ധത്തിൽ യുവാവിന്റെ ഐ ഫോൺ നേർച്ചപ്പെട്ടിയിലേക്ക് വീണു.

ചെന്നൈയ്ക്ക് സമീപത്തുള്ള തിരുപോരൂർ അരുൾമിഗു കന്തസ്വാമി ക്ഷേത്രത്തിലാണ് സംഭവം. വിനായകപുരം സ്വദേശിയായ ദിനേശ് എന്നയാളുടെ ഐ ഫോണാണ് നേർച്ചപ്പെട്ടിയിൽ വീണ് നഷ്ടമായത്.

ഫോൺ എടുക്കാൻ ശ്രമിച്ചെങ്കിലും സാധിക്കാതെ വന്നതോടെയുവാവ് ക്ഷേത്ര അധികാരികളുടെ സഹായം തേടി. എന്നാൽ നേർച്ചപ്പെട്ടിയിൽ വീഴുന്നതെന്തും പ്രതിഷ്ഠയ്ക്ക് സ്വന്തമാണെന്നാണ് ക്ഷേത്ര അധികൃതർ യുവാവിനോട് വിശദമാക്കി.

ഫോൺ ക്ഷേത്രത്തിന്റേതെന്ന് വ്യക്തമാക്കിയ അധികൃതർ സിം തിരികെ നൽകിയ ശേഷം ഫോണിൽ നിന്ന് ഡാറ്റ ഡൌൺലോഡ് ചെയ്യാനും അനുവാദം നൽകുകയായിരുന്നു.

എന്നാൽ ഫോൺ തിരികെ ലഭിക്കണമെന്ന നിലപാടിൽ തന്നെ ദിനേശ് ഉറച്ചുനിന്നു. വിഷയം കർണാടക മന്ത്രി പികെ ശേഖർ ബാബുവിലെത്തിയപ്പോൾ, ക്ഷേത്രത്തിലെ സംഭാവനപ്പെട്ടിയിൽ നിക്ഷേപിക്കുന്ന ഏതൊരു വസ്തുവും അത് മനപ്പൂർവമോ ആകസ്മികമോ ആകട്ടെ, അത് ദേവൻ്റെ സ്വത്തിന്റെ ഭാഗമാകുമെന്ന് അദ്ദേഹവും പറഞ്ഞു.