ആവേശപ്പോരിൽ പാകിസ്ഥാനെ ആറ് റൺസിന് തോൽപിച്ച് ശ്രീലങ്ക ത്രിരാഷ്ട്ര ടി20 ടൂർണമെന്റിന്റെ ഫൈനലിലെത്തി. ഫൈനലിൽ പാകിസ്ഥാൻ തന്നെയാണ് ശ്രീലങ്കയടെ എതിരാളികൾ. ശ്രീലങ്ക ജയിച്ചതോടെ സിംബാബ്‌വെ ടൂർണമെന്റിൽ നിന്ന് പുറത്തായി.
അവസാന ഗ്രൂപ്പ് മത്സരത്തിൽ പാകിസ്ഥാനെ ആറ് റൺസിനായിരുന്നു ശ്രീലങ്കയുടെ ജയം.185 റൺസ് വിജയലക്ഷ്യം പിന്തുടർന്ന പാകിസ്ഥാന് ദുഷ്മന്ത് ചമീര എറിഞ്ഞ അവസാന ഓവറിൽ 10 റൺസായിരുന്നു ജയിക്കാൻ വേണ്ടിയിരുന്നത്. ഫഹീം അഷ്രഫും 44 പന്തിൽ 63 റൺസെടുത്ത സൽമാൻ ആഗയുമായിരുന്നു ക്രീസിൽ. എന്നാൽ അവസാന ഓവറിൽ മൂന്ന് റൺസ് മാത്രമെ പാകിസ്ഥാന് നേടാനായുള്ളു. സൽമാൻ ആഗക്ക് പുറമെ 23 പന്തിൽ 33 റൺസെടുത്ത ഉസ്മാൻ ഖാൻ 16 പന്തിൽ 27 റൺസെടുത്ത മുഹമ്മദ് നവാസ്, 18 പന്തിൽ 27 റൺസെടുത്ത സയ്യിം അയൂബ് എന്നിവരാണ് പാകിസ്ഥാന് വേണ്ടി ഭേദപ്പെട്ട പ്രകടനം നടത്തിയത്. സ്‌കോർ ശ്രീലങ്ക 20 ഓവറിൽ 184 /5, പാകിസ്ഥാൻ 20 ഓവറിൽ 178 /7.

മുൻ നായകൻ ബാബർ അസം രണ്ട് പന്ത് നേരിട്ട് പൂജ്യനായി പുറത്തായി. ഇതോടെ ടി20 ക്രിക്കറ്റിൽ ഏറ്റവും കൂടുതൽ തവണ പൂജ്യത്തിന് പുറത്തായ പാക് ബാറ്ററെന്ന നാണക്കേടിനൊപ്പം ബാബർ അസം എത്തി. പത്താം തവണയാണ് ബാബർ ടി20 ക്രിക്കറ്റിൽ പൂജ്യനായി പുറത്താവുന്നത്. മുൻ താരം ഉമർ അക്മൽ, സയ്യിം അയൂബ് എന്നിവരും ടി20 മത്സരങ്ങളിൽ 10 തവണ വീതം പൂജ്യത്തിന് പുറത്തായിട്ടുണ്ട്.സയ്യിം അയൂബ് വെറും 55 മത്സരങ്ങളിൽ നിന്നാണ് 10 തവണ പൂജ്യത്തിന് പുറത്തായതെങ്കിൽ ബാബർ 135 മത്സരങ്ങളിൽ നിന്നാണ് 10 തവണ പൂജ്യത്തിന് പുറത്തായത്.

നേരത്തെ ആദ്യം ബാറ്റ് ചെയ്ത ശ്രീലങ്ക 48 പന്തിൽ 76 റൺസെടുത്ത ഓപ്പണർ കാമിൽ മിഷാരയുടെയും 23 പന്തിൽ 40 റൺസെടുത്ത കുശാൽ മെൻഡിസിന്റെയും 10 പന്തിൽ പുറത്താകാതെ 17 റൺസെടുത്ത ക്യാപ്ടൻ ദാസുൻ ഷനകയുടെയും ബാറ്റിംഗ് മികവിലാണ് 20 ഓവറിൽ 184 റൺടിച്ചത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്