ഇത്തവണത്തെ ടി20 ലോകകപ്പ് ഉയർത്താൻ ഏറ്റവും അനുയോജ്യൻ ഇന്ത്യൻ ക്യാപ്റ്റൻ രോഹിത് ശർമ്മയാണെന്ന് മുൻ പാകിസ്ഥാൻ ക്യാപ്റ്റൻ മുഹമ്മദ് ഹഫീസ്.
ഓസ്ട്രേലിയയ്ക്കെതിരായ മത്സരത്തിലെ രോഹിതിൻ്റെ പ്രകടനത്തെയും അദ്ദേഹം പ്രശംസിച്ചു. മത്സരത്തിൽ 41 പന്തിൽ 92 റൺസ് നേടിയ രോഹിതിൻ്റെ ഇന്നിംഗ്സാണ് വിജയത്തിൽ നിർണായകമായത്. മത്സരത്തിൽ ഇന്ത്യ 24 റൺസിന് വിജയിക്കുകയും ഓസ്ട്രേലിയ സെമി കാണാതെ പുറത്താവുകയും ചെയ്തു.
അതൊരു രോഹിത് ഷോ ആയിരുന്നു. ഒരു ക്യാപ്റ്റൻ്റെ ഏറ്റവും മികച്ച ഇന്നിംഗ്സിന് ഞങ്ങൾ സാക്ഷ്യം വഹിച്ചിട്ടുണ്ടെന്നും ഹഫീസ് പറഞ്ഞു. രോഹിതിൻ്റെ നിസ്വാർത്ഥതയാണ് അദ്ദേഹത്തിൻ്റെ മഹത്വത്തിന് കാരണം. അദ്ദേഹത്തിൻ്റെ നേതൃത്വം ഇന്ത്യയുടെ വിജയത്തിൽ നിർണായകമാണെന്നും അദ്ദേഹം കൂട്ടിച്ചേർത്തു. കഴിഞ്ഞ ഏകദിന ലോകകപ്പിലും രോഹിത്തിൻ്റെ പ്രകടനം മികച്ചതായിരുന്നുവെന്ന് അദ്ദേഹം പറഞ്ഞു.
രോഹിത് ഒരിക്കലും തൻ്റെ വ്യക്തിപരമായ നേട്ടങ്ങൾക്ക് വേണ്ടി കളിക്കാറില്ല. അവൻ സെഞ്ച്വറികൾക്കും ഫിഫ്റ്റികള്ക്കുമായി കളിക്കാറില്ല, സെഞ്ച്വറികളേക്കാൾ ഒരു മാച്ച് വിന്നർ ആകാനാണ് അവൻ ആഗ്രഹിക്കുന്നത്. അദ്ദേഹം എന്നും ഓർമ്മിക്കപ്പെടുമെന്നും ഹഫീസ് പറഞ്ഞു. ഈ ലോകകപ്പ് നേടാൻ അർഹതയുള്ള ഒരേയൊരു വ്യക്തി രോഹിതാണെന്ന് ഹഫീസ് പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്