ന്യൂസിലൻഡിനെതിരായ വരാനിരിക്കുന്ന മൂന്ന് മത്സരങ്ങളുള്ള ഏകദിന പരമ്പരയ്ക്കുള്ള ടീമിൽ പാകിസ്ഥാൻ സെലക്ടർമാർ വൈകി മാറ്റം വരുത്തി, ഫാസ്റ്റ് ബൗളർ ഹാരിസ് റൗഫിനെ തിരിച്ചുകൊണ്ടുവന്നു.

പാകിസ്ഥാന്റെ നിരാശാജനകമായ ചാമ്പ്യൻസ് ട്രോഫി സീസണിന് ശേഷം ടീമിൽ നിന്ന് പുറത്തായ റൗഫ്, മികച്ച ഒരു ടി20 പരമ്പരയിലൂടെ ടീമിലേക്ക് തിരിച്ചുവരവ് നടത്തി, ഏഴ് വിക്കറ്റുകളുമായി ഏറ്റവും കൂടുതൽ വിക്കറ്റ് നേടിയ ബൗളറായി മാറിയിരുന്നു.

അതേസമയം, ഏകദിന ടീമിൽ നിന്ന് ഒഴിവാക്കപ്പെട്ട ഷഹീൻ അഫ്രീദിയെ തിരിച്ചുവിളിച്ചിട്ടില്ല. മാർച്ച് 29 മുതൽ ഏപ്രിൽ 5 വരെ നടക്കുന്ന പരമ്പരയ്ക്കുള്ള തയ്യാറെടുപ്പുകൾ പാകിസ്ഥാൻ ഏകദിന ടീം ആരംഭിച്ചു കഴിഞ്ഞു. ടി20 പരമ്പരയ്ക്ക് വിശ്രമം അനുവദിച്ചിരുന്ന ക്യാപ്ടൻ മുഹമ്മദ് റിസ്വാനും ബാബർ അസമും ടീമിലേക്ക് തിരിച്ചത്തി.

പാകിസ്ഥാൻ ഏകദിന ടീം: മുഹമ്മദ് റിസ്വാൻ (ക്യാപ്ടൻ), സൽമാൻ അലി ആഗ (വൈസ് ക്യാപ്ടൻ), അബ്ദുള്ള ഷഫീഖ്, അബ്രാർ അഹമ്മദ്, അകിഫ് ജാവേദ്, ബാബർ അസം, ഫഹീം അഷ്‌റഫ്, ഇമാംഉൽഹഖ്, ഖുഷ്ദിൽ ഷാ, മുഹമ്മദ് അലി, മുഹമ്മദ് വസീം ജൂനിയർ, മുഹമ്മദ് ഇർഫാൻ ഖാൻ, നസീം ഷാ, സുഫ്യാൻ മോകിം, തയ്യാബ് താഹിർ, ഹാരിസ് റൗഫ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്