പ്രീമിയർ ലീഗ് 2025-26 സീസണിലെ ആദ്യ പോരാട്ടത്തിൽ ബോൺമൗത്തിനെതിരെ ആവേശകരമായ മത്സരത്തിൽ 4-2നാണ് ലിവർപൂൾ വിജയിച്ചു. അത്യന്തം ആവേശകരമായ മത്സരത്തിലെ 89-ാം മിനുറ്റിലെ ഗോളാണ് ചാമ്പ്യന്മാർക്ക് 3 പോയിന്റ് ഉറപ്പിച്ച് കൊടുത്തത്.

പ്രീമിയർ ലീഗ് അരങ്ങേറ്റം കുറിച്ച ഹ്യൂഗോ എകിറ്റികെ 37-ാം മിനിറ്റിൽ ഗോൾ നേടി ലിവർപൂളിന് ലീഡ് നൽകി. രണ്ടാം പകുതിയിൽ കോഡി ഗാക്‌പോ ലീഡ് രണ്ടാക്കി ഉയർത്തിയതോടെ ലിവർപൂൾ അനായാസം വിജയിക്കുമെന്ന് തോന്നിച്ചു.

എകിറ്റികെയുടെ അസിസ്റ്റിൽ നിന്നായിരുന്നു ഈ ഗോൾ. എന്നാൽ, അന്റോയിൻ സെമെന്യോയുടെ ഇരട്ട ഗോളുകളിലൂടെ ബോൺമൗത്ത് തകർപ്പൻ തിരിച്ചുവരവ് നടത്തി. ഇതിൽ രണ്ടാമത്തെ ഗോൾ മനോഹരമായ കൗണ്ടർ അറ്റാക്കിലൂടെ ആയിരുന്നു. സ്‌കോർ 2-2.

അവസാനം, പകരക്കാരനായി വന്ന ഫെഡറിക്കോ കിയേസ ലിവർപൂളിനായി വിജയഗോൾ നേടി. 88-ാം മിനിറ്റിൽ പെനാൽറ്റി ബോക്‌സിന് സമീപത്ത് നിന്ന് ഒരു വോളിയിലൂടെ ആയിരുന്നു കിയേസയുടെ ഗോൾ.

അവസാന നിമിഷം സലായുടെ ഗോൾ കൂടെ വന്നതോടെ ലിവർപൂൾ വിജയം പൂർത്തിയാക്കി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്