2026-27 രഞ്ജി ട്രോഫി സീസണിന് മുന്നോടിയായി മുഹമ്മദ് ഷമിയുടെ തുറന്ന പരാമർശം. ഭുവനേശ്വർ കുമാറിന്റെ തിരിച്ചുവരവിനെ കുറിച്ചുള്ള ചോദ്യത്തിന് മറുപടിയായാണ് ഷമി മനസ്സ് തുറന്നത്.
നാല് വർഷങ്ങൾക്ക് ശേഷം ഭുവനേശ്വർ കുമാർ ന്യൂസിലൻഡ് പര്യടനത്തിനുള്ള ടി20 ടീമിൽ തിരിച്ചെത്തിയതോടെയാണ് ഷമിയുടെ തിരിച്ചുവരവിനെ കുറിച്ചും ചർച്ചകൾ സജീവമായത്. ടെസ്റ്റ് ടീമിനെ ഇതുവരെ പ്രഖ്യാപിച്ചിട്ടില്ല.
ഇതിനെ കുറിച്ച് ചോദിച്ചപ്പോൾ ഷമിയുടെ മറുപടി ഇങ്ങനെ:
'ഭുവനേശ്വർ കുമാറിന് ഇന്ത്യക്ക് വേണ്ടി കളിക്കാൻ അവസരം ലഭിച്ചു, അത് അദ്ദേഹത്തിന് നല്ലതാണ്. പക്ഷേ അദ്ദേഹത്തിന്റെ സെലക്ഷൻ എന്നെ ബാധിക്കുന്നില്ല. കളിക്കാൻ അവസരം ലഭിക്കുന്നിടത്തെല്ലാം ഞാൻ എന്റെ പരമാവധി നൽകും. ഇപ്പോൾ എന്റെ മുഴുവൻ ശ്രദ്ധയും ഈ രഞ്ജി മത്സരത്തിലാണ്.'
'അത് എന്റെ നഷ്ടമല്ല' കഴിഞ്ഞ രണ്ട്മൂന്ന് വർഷമായി തനിക്ക് ഇതുതന്നെയാണ് സംഭവിക്കുന്നതെന്നും ഷമി പറഞ്ഞു.
'ബംഗാളിനായി ഞാൻ മികച്ച പ്രകടനം കാഴ്ചവെക്കുകയും ഫിറ്റ്‌നസ് തെളിയിക്കുകയും ചെയ്തിട്ടുണ്ട്. ഇന്ത്യക്ക് വേണ്ടി വീണ്ടും കളിക്കാൻ അവസരം ലഭിച്ചില്ലെങ്കിൽ അത് എന്റെ നഷ്ടമല്ല,' എന്ന് ഷമി പറഞ്ഞു.
രാജ്യത്തിനാണ് നഷ്ടമെന്ന സൂചനയോടെയുള്ള ഷമിയുടെ വാക്കുകൾ സോഷ്യൽ മീഡിയയിൽ ഇതിനോടകം ചർച്ചയായിട്ടുണ്ട്.
2025ലാണ് മുഹമ്മദ് ഷമി അവസാനമായി ഇന്ത്യൻ ജേഴ്‌സിയണിഞ്ഞത്. ദുബായിൽ നടന്ന ചാമ്പ്യൻസ് ട്രോഫിയുടെ ഫൈനലിലായിരുന്നു ഷമിയുടെ അവസാന ഏകദിനം.
ടെസ്റ്റ് കണക്കെടുത്താൽ 2023ലെ ലോക ടെസ്റ്റ് ചാമ്പ്യൻഷിപ്പ് ഫൈനലിലാണ് അദ്ദേഹം അവസാനമായി ചുവന്ന പന്തിൽ ഇന്ത്യക്കായി കളിച്ചത്. എന്നാൽ ആഭ്യന്തര ക്രിക്കറ്റിൽ താരം ഇപ്പോഴും തീയാണ്.
കഴിഞ്ഞ ആഭ്യന്തര സീസണിൽ എല്ലാ ഫോർമാറ്റിലും ബംഗാളിനായി ഷമി മികച്ച പ്രകടനമാണ് പുറത്തെടുത്തത്.
2025-26 രഞ്ജി ട്രോഫിയിൽ: 7 മത്സരങ്ങളിൽ നിന്ന് 16.72 ശരാശരിയിൽ 37 വിക്കറ്റുകൾ.
2025-26 വിജയ് ഹസാരെ ട്രോഫിയിൽ: ബംഗാളിന്റെ ടോപ് വിക്കറ്റ് ടേക്കർ. 7 മത്സരങ്ങളിൽ 24.53 ശരാശരിയിലും 6.09 ഇക്കോണമിയിലും 15 വിക്കറ്റുകൾ.
2026 ദുലീപ് ട്രോഫിയിൽ: ഈസ്റ്റ് സോണിനായി 3 മത്സരങ്ങളിൽ നിന്ന് 26.57 ശരാശരിയിൽ 7 വിക്കറ്റുകൾ.
ഫിറ്റ്‌നസിന്റെ കാര്യത്തിൽ ഒരു സംശയവുമില്ലെന്ന് ഈ കണക്കുകൾ തെളിയിക്കുമ്പോഴും സെലക്ടർമാർ ഷമിയെ ഇതുവരെ പരിഗണിച്ചിട്ടില്ല എന്നതാണ് ആരാധകരെ ചൊടിപ്പിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250508030843.jpg)
