ടെസ്റ്റ് ക്രിക്കറ്റിൽ പുതിയ ചരിത്രമെഴുതി ഓസ്‌ട്രേലിയൻ ഇതിഹാസം സ്റ്റീവ് സ്മിത്ത്. ടെസ്റ്റിൽ ഏറ്റവും കൂടുതൽ ക്യാച്ചെടുത്ത ഫീൽഡർ എന്ന റെക്കോർഡ് സ്മിത്ത് സ്വന്തമാക്കി. ഇംഗ്ലണ്ട് താരം ജോ റൂട്ടിന്റെ റെക്കോർഡാണ് സ്മിത്ത് തകർത്തത്.
ദക്ഷിണാഫ്രിക്കക്കെതിരെ കിംഗ്‌സ്മീഡിൽ നടക്കുന്ന ആദ്യ ടെസ്റ്റിന്റെ മൂന്നാം ദിനത്തിലാണ് സ്മിത്ത് ഈ നാഴികക്കല്ല് പിന്നിട്ടത്.
പാറ്റ് കമ്മിൻസിന്റെ പന്തിൽ ദക്ഷിണാഫ്രിക്കൻ ബാറ്റർ ഡേവിഡ് ബെഡിങ്ഹാമിന്റെ (49 റൺസ്) എഡ്ജ് ഫസ്റ്റ് സ്ലിപ്പിൽ ഇടത്തോട്ട് ഡൈവ് ചെയ്ത് പിടിച്ചാണ് സ്മിത്ത് റെക്കോർഡ് സ്വന്തമാക്കിയത്.
അർധസെഞ്ചുറിക്ക് ഒരു റൺ അകലെ ബെഡിങ്ഹാമിന്റെ ഇന്നിംഗ്‌സ് അവസാനിപ്പിച്ച ആ ക്യാച്ച് സ്മിത്തിന്റെ കരിയറിലെ 221-ാം ക്യാച്ചായി.
ഇതോടെ 220 ക്യാച്ചെടുത്ത ജോ റൂട്ടിനെ മറികടന്ന് സ്മിത്ത് ഒന്നാമനായി.
സ്റ്റീവ് സ്മിത്ത് (ഓസ്‌ട്രേലിയ) 221* ക്യാച്ചുകൾ, ജോ റൂട്ട് (ഇംഗ്ലണ്ട്) 220 ക്യാച്ചുകൾ, രാഹുൽ ദ്രാവിഡ് (ഇന്ത്യ) 210 ക്യാച്ചുകൾ, മഹേല ജയവർധനെ (ശ്രീലങ്ക) 205 ക്യാച്ചുകൾ, ജാക്വസ് കാലിസ് (ദക്ഷിണാഫ്രിക്ക) 200 ക്യാച്ചുകൾ, റിക്കി പോണ്ടിംഗ് (ഓസ്‌ട്രേലിയ) 196 ക്യാച്ചുകൾ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250508030843.jpg)
