ന്യൂഡൽഹി: ഐ.പി.എൽ. 2026 സീസണിൽ ഡൽഹി ക്യാപിറ്റൽസിനെ നയിക്കുന്ന അക്സർ പട്ടേലിന് മുൻ ഇന്ത്യൻ താരം ചേതേശ്വർ പുജാരയുടെ മുന്നറിയിപ്പ്. നായകനെന്ന നിലയിൽ അമിതമായി അയഞ്ഞ സമീപനം സ്വീകരിക്കുന്നത് ടീമിന്റെ പ്രകടനത്തെ ബാധിക്കുമെന്ന് പുജാര ഓർമ്മിപ്പിച്ചു. സമ്മർദ്ദ ഘട്ടങ്ങളിൽ ശാന്തനായിരിക്കാനുള്ള അക്സറിന്റെ കഴിവിനെ പ്രശംസിച്ചെങ്കിലും, കഴിഞ്ഞ സീസണിലെ വീഴ്ചകൾ ആവർത്തിക്കരുതെന്ന് അദ്ദേഹം വ്യക്തമാക്കി.
"അക്സർ പട്ടേൽ വളരെ ശാന്തനാണ്, അദ്ദേഹം അനാവശ്യ സമ്മർദ്ദം ചെലുത്താറില്ല. ഐ.പി.എൽ. പോലുള്ള വലിയ വേദികളിൽ ഇത് നല്ലൊരു ഗുണമാണ്. എങ്കിലും അമിതമായി റിലാക്സ്ഡ് ആകുന്നത് ശ്രദ്ധിക്കണം. കഴിഞ്ഞ തവണ ഡൽഹിക്ക് ലഭിച്ച മികച്ച തുടക്കം (ആദ്യ നാല് മത്സരങ്ങളിലെ വിജയം) പിന്നീട് നഷ്ടമായത് നാം കണ്ടതാണ്. ഇത്തവണ അമിതമായ ലാഘവബുദ്ധി കാണിച്ച് കളി കൈവിട്ടുപോകാതെ അദ്ദേഹം ജാഗ്രത പാലിക്കണം."- പുജാര വ്യക്തമാക്കി.
അതേസമയം കഴിഞ്ഞ സീസണിൽ ബൗളിംഗിൽ അക്സറിന് തിളങ്ങാൻ സാധിച്ചിരുന്നില്ല. 12 മത്സരങ്ങളിൽ നിന്ന് അഞ്ച് വിക്കറ്റുകൾ മാത്രമാണ് അദ്ദേഹത്തിന് ലഭിച്ചത്. എന്നാൽ ഇത്തവണ അക്സർ ശക്തമായി തിരിച്ചുവരുമെന്ന് മുൻ താരം മുഹമ്മദ് കൈഫ് പ്രത്യാശ പ്രകടിപ്പിച്ചു.പുതിയ തന്ത്രങ്ങൾ: കുൽദീപ് യാദവ്, വിപ്രജ് നിഗം തുടങ്ങിയ മികച്ച സ്പിന്നർമാർ ടീമിലുള്ളതിനാൽ അക്സർ ഇത്തവണ പവർപ്ലേ ഓവറുകളിൽ പുതിയ പന്ത് ഉപയോഗിച്ച് ബൗൾ ചെയ്തേക്കുമെന്ന് കൈഫ് നിരീക്ഷിക്കുന്നു.
മികച്ച ഫോം: ഐ.പി.എല്ലിന് മുന്നോടിയായി നടന്ന മത്സരങ്ങളിൽ 7 കളിയിൽ നിന്ന് 11 വിക്കറ്റുകൾ വീഴ്ത്തി മികച്ച ഫോമിലാണ് അക്സർ വരുന്നത്.കഴിഞ്ഞ സീസണിലെ പിഴവുകൾ തിരുത്തി ബൗളിംഗിലും ക്യാപ്റ്റൻസിയിലും അക്സർ പട്ടേൽ മികവ് പുലർത്തുന്നത് കാണാനാണ് ഡൽഹി ആരാധകർ കാത്തിരിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260219094258.jpg)
-20260109092215.jpg)
-20251211083427.jpg)
1-20260318102659.jpg)
-20260318082514.jpg)
