ഞായറാഴ്ച രാത്രി എമിറേറ്റ്‌സ് സ്റ്റേഡിയത്തിൽ നടന്ന മത്സരത്തിൽ ക്രിസ്റ്റൽ പാലസിനെതിരെ 1-0 വിജയവുമായി ആഴ്‌സണൽ. മുൻ പാലസ് താരമായ എബെറെച്ചി എസെ 39-ാം മിനിറ്റിൽ നേടിയ നിർണ്ണായക ഗോളാണ് മത്സരഫലം തീരുമാനിച്ചത്.

തുടക്കത്തിൽ ഇരു ടീമുകൾക്കും കാര്യമായ ഗോളവസരങ്ങൾ സൃഷ്ടിക്കാൻ സാദ്ധിച്ചില്ല. ആദ്യ പകുതി അവസാനിക്കുന്നതിനു മുമ്പ് ഒരു ഫ്രീകിക്കിൽ നിന്നും ഡെക്ലാൻ റൈസ് ബാക്ക് പോസ്റ്റിലേക്ക് നൽകിയ മികച്ച ക്രോസ് ഗബ്രിയേൽ മഗൽഹേസ് ഹെഡ് ചെയ്തത് മാർക്ക് ചെയ്യപ്പെടാതെ ഓടിയെത്തിയ എസെ മനോഹരമായ ഹാഫ്‌വോളിയിലൂടെ പന്ത് വലയിലെത്തിച്ചു. ഗോൾ കീപ്പറായ ഡീൻ ഹെൻഡേഴ്‌സൺ ഒന്നും ചെയ്യാൻ സാധിക്കുന്നതിനു മുമ്പ് തന്നെ പന്ത് വലയിൽ എത്തിയിരുന്നു.

രണ്ടാം പകുതിയിൽ ആഴ്‌സനൽ കൂടുതൽ സമയം പന്ത് കൈവശം വെച്ച് കളിച്ചെങ്കിലും രണ്ടാമതൊരു ഗോൾ കണ്ടെത്താനായില്ല. ലിയാൻഡ്രോ ട്രോസാർഡ്, ഗബ്രിയേൽ മഗൽഹേസ്, വിക്ടർ ഗ്യോകെറസ് എന്നിവർ ഗോളിനായി ശ്രമിച്ചെങ്കിലും ഫലം കണ്ടില്ല. ഗബ്രിയേൽ മഗൽഹേസിന്റെ ഒരു ഹെഡർ ആദ്യ പകുതിക്ക് തൊട്ടുമുമ്പ് ബാറിൽ തട്ടി മടങ്ങിയിരുന്നു. ഒമ്പത് മത്സരങ്ങളിൽ നിന്ന് 22 പോയിന്റുമായി പ്രീമിയർ ലീഗ് ടേബിളിൽ ഒന്നാം സ്ഥാനത്ത് തുടരാൻ ആഴ്‌സണലിനെ ഈ വിജയം സഹായിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്