മുൻ കനേഡിയൻ പ്രധാനമന്ത്രി ജസ്റ്റിൻ ട്രൂഡോയും വിശ്വപ്രസിദ്ധ പോപ്പ് ഗായിക കാറ്റി പെറിയും തമ്മിലുള്ള പ്രണയത്തെക്കുറിച്ച് ആദ്യമായി പ്രതികരിച്ച് ട്രൂഡോയുടെ മൂത്തമകൻ സേവ്യർ ട്രൂഡോ.

കാറ്റി പെറി വളരെ നല്ല വ്യക്തിയാണെന്നും തന്റെ സംഗീത ജീവിതത്തിന് അവർ വലിയ പിന്തുണ നൽകുന്നുണ്ടെന്നും 18-കാരനായ സേവ്യർ വെളിപ്പെടുത്തി. ജസ്റ്റിൻ ട്രൂഡോയും കാറ്റിയും പ്രണയത്തിലാണെന്ന വാർത്തകൾ പുറത്തുവന്നതിന് പിന്നാലെയാണ് മകന്റെ ഈ പ്രതികരണം.

"അവർ വളരെ കൂളാണ്. ഞങ്ങൾ മണിക്കൂറുകളോളം എന്റെ സംഗീതത്തെക്കുറിച്ച് സംസാരിച്ചിരുന്നു. കരിയറിൽ അടുത്തതായി എന്തൊക്കെ ചെയ്യണമെന്നതിനെക്കുറിച്ച് അവർ എനിക്ക് നല്ല ഉപദേശങ്ങൾ നൽകി," സേവ്യർ പറഞ്ഞു. 

കഴിഞ്ഞ വർഷം ജൂലൈയിൽ മോൺട്രിയലിൽ നടന്ന കാറ്റി പെറിയുടെ സംഗീതനിശയിൽ ജസ്റ്റിൻ ട്രൂഡോ പങ്കെടുത്തിരുന്നു. ഇതിന് തൊട്ടുപിന്നാലെ ഇരുവരും ഒന്നിച്ച് ഡിന്നർ കഴിക്കുന്ന ചിത്രങ്ങൾ പുറത്തുവന്നതോടെയാണ് പ്രണയവാർത്തകൾ പ്രചരിച്ചു തുടങ്ങിയത്. മാസങ്ങളോളം നീണ്ട അഭ്യൂഹങ്ങൾക്കൊടുവിൽ അഞ്ച് മാസം മുൻപാണ് കാറ്റി പെറി ഇൻസ്റ്റാഗ്രാമിലൂടെ ട്രൂഡോയുമായുള്ള ബന്ധം ഔദ്യോഗികമായി സ്ഥിരീകരിച്ചത്.

2023-ലാണ് ജസ്റ്റിൻ ട്രൂഡോയും സോഫി ഗ്രേഗ്വയറും വേർപിരിഞ്ഞത്. ഹോളിവുഡ് നടൻ ഒർലാൻഡോ ബ്ലൂമുമായി കാറ്റി പെറി നേരത്തെ വിവാഹനിശ്ചയം നടത്തിയിരുന്നുവെങ്കിലും കഴിഞ്ഞ വർഷം ജൂലൈയിൽ ഇരുവരും വേർപിരിയുകയായിരുന്നു. ഈ ബന്ധത്തിൽ കാറ്റിക്ക് ഒരു മകളുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്