-20201113033849.jpg)
തെന്നിന്ത്യൻ താരം സാമന്ത റൂത്ത് പ്രഭുവിന്റെ ഫിറ്റ്നസ് രഹസ്യങ്ങൾ എപ്പോഴും ആരാധകർക്ക് താല്പര്യമുള്ള വിഷയമാണ്. ഇപ്പോഴിതാ, തന്റെ ഊർജ്ജസ്വലമായ ദിവസത്തിന് പിന്നിലെ 'പവർ മോണിംഗ്' ഫോർമുല വെളിപ്പെടുത്തിയിരിക്കുകയാണ് താരം.
പ്രഭാതങ്ങൾ എങ്ങനെ തുടങ്ങുന്നു എന്നത് ആ ദിവസത്തെ മുഴുവൻ ബാധിക്കുമെന്നും, വയറിലെ കൊഴുപ്പ് കുറയ്ക്കാനും ചർമ്മത്തിന്റെ ആരോഗ്യം മെച്ചപ്പെടുത്താനും ശരിയായ പ്രഭാതചര്യ സഹായിക്കുമെന്നും സാമന്ത പറയുന്നു.
ഉണർന്നാലുടൻ ആദ്യത്തെ ഒരു മണിക്കൂർ ഫോൺ, വാർത്തകൾ, ഇമെയിലുകൾ എന്നിവയിൽ നിന്ന് വിട്ടുനിൽക്കുക എന്നതാണ് ഇതിൽ പ്രധാനം. രാവിലെ സ്വാഭാവികമായും ശരീരത്തിൽ സ്ട്രെസ് ഹോർമോണുകൾ കൂടുതലായിരിക്കും, ആ സമയത്ത് ഫോൺ ഉപയോഗിക്കുന്നത് സമ്മർദ്ദം ഇരട്ടിയാക്കാൻ കാരണമാകും.
അഞ്ച് മിനിറ്റ് നീളുന്ന ആഴത്തിലുള്ള ശ്വസന വ്യായാമം (Deep Breathing), പുലർവെയിൽ ഏൽക്കുക, സമീകൃതമായ പ്രഭാതഭക്ഷണം എന്നിവയാണ് സാമന്തയുടെ മറ്റ് പ്രധാന നിർദ്ദേശങ്ങൾ.
പ്രഭാതഭക്ഷണത്തിന് ശേഷം മാത്രം ചായയോ കാപ്പിയോ കുടിക്കുക, 11 മണിക്ക് മുൻപായി വ്യായാമം ചെയ്യുക എന്നിവയും ഈ ചര്യയുടെ ഭാഗമാണ്. "ശാന്തമായ തലച്ചോർ സ്ട്രെസ് ഉള്ള തലച്ചോറിനേക്കാൾ വേഗത്തിൽ കൊഴുപ്പ് കുറയ്ക്കാനും ശരീരത്തെ സംരക്ഷിക്കാനും സഹായിക്കും," താരം കൂട്ടിച്ചേർത്തു.
സൗഹൃദങ്ങളെക്കുറിച്ചും സാമന്ത രസകരമായ കാര്യങ്ങൾ പങ്കുവെച്ചു. നടി കീർത്തി സുരേഷിന്റെ ഊർജ്ജസ്വലതയെക്കുറിച്ചുള്ള സാമന്തയുടെ വാക്കുകൾ ഇതിനോടകം സോഷ്യൽ മീഡിയയിൽ തരംഗമായിക്കഴിഞ്ഞു. കരിയറിൽ 'മാ ഇന്റി ബംഗാരം', 'രക്ത ബ്രഹ്മാണ്ഡം' തുടങ്ങിയ ബിഗ് ബജറ്റ് ചിത്രങ്ങളുടെ തിരക്കിലാണിപ്പോൾ സാമന്ത. കൂടാതെ സൽമാൻ ഖാൻ നായകനാകുന്ന സൂപ്പർഹീറോ ചിത്രത്തിനായി രാജ് & ഡി കെ കൂട്ടുകെട്ടുമായി താരം വീണ്ടും ഒന്നിക്കുമെന്നും റിപ്പോർട്ടുകളുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250923040329.jpg)
-20260221033651.jpg)
-20260401060711.jpg)
-20260225034815.jpg)
-20260314043920.jfif)
1-20260330101609.jpg)
1-20260330094802.jpg)
1-20260330055254.jpg)
-20260401060711.jpg)