‘ബാലൻ - ദ ബോയ്’; തിയേറ്ററുകളിൽ മികച്ച പ്രതികരണം നേടി ചർച്ചയായി ‘അമ്മച്ചി’ കഥാപാത്രം

JUNE 20, 2026, 12:47 AM

കൊച്ചി: ബ്ലോക്ക്ബസ്റ്റർ ഹിറ്റായ ‘മഞ്ഞുമ്മൽ ബോയ്സ്’ എന്ന ചിത്രത്തിന് ശേഷം സംവിധായകൻ ചിദംബരം ഒരുക്കിയ പുതിയ ചിത്രം ‘ബാലൻ - ദ ബോയ്’ കഴിഞ്ഞ ദിവസമാണ് തിയേറ്ററുകളിൽ എത്തിയത്. റിലീസിന് പിന്നാലെ ചിത്രത്തിന് മികച്ച പ്രതികരണമാണ് ലഭിക്കുന്നത്. സംവിധാനം, തിരക്കഥ, പ്രകടനം, കഥാപാത്ര നിർമാണം തുടങ്ങി എല്ലാ തലങ്ങളിലും ചിത്രം മികവ് പുലർത്തുന്നുവെന്നാണ് പ്രേക്ഷകരുടെയും സിനിമാസ്വാദകരുടെയും പൊതുവായ വിലയിരുത്തൽ.

സംവിധായകനും തിരക്കഥാകൃത്തും മാത്രമല്ല, ചിത്രത്തിലെ കഥാപാത്രങ്ങൾക്ക് ഏറ്റവും യോജിച്ച അഭിനേതാക്കളെ കണ്ടെത്തിയ കാസ്റ്റിംഗ് ഡയറക്ടർ ഗണപതിയെയും പ്രശംസിച്ച് സമൂഹമാധ്യമങ്ങളിൽ നിരവധി പോസ്റ്റുകളാണ് പ്രത്യക്ഷപ്പെടുന്നത്.

ചിത്രത്തിലെ കേന്ദ്ര കഥാപാത്രങ്ങളായി എത്തിയ ഫർസാന പാലത്തിങ്കൽ, ആദിശേഷൻ, മിഹമ്മദ് സിനാൻ എന്നിവരുടെ പ്രകടനങ്ങൾ ഏറെ ശ്രദ്ധിക്കപ്പെടുന്നുണ്ട്. ഈ മൂന്നുപേരും ചിത്രത്തിന്റെ വികാരഭാരവും താളവും മനോഹരമായി മുന്നോട്ട് കൊണ്ടുപോയെന്നാണ് പ്രേക്ഷകാഭിപ്രായം.

ഇവർക്കൊപ്പം ചിത്രത്തിൽ ‘അമ്മച്ചി’ എന്ന കഥാപാത്രമായി എത്തിയ ഡോളി ജൂൺ തിയേറ്ററുകളിൽ വലിയ കൈയടി നേടുകയാണ്. കഥാഗതിയിൽ അപ്രതീക്ഷിതമായ രസമുഹൂർത്തങ്ങളും ആവേശവും സൃഷ്ടിക്കുന്ന കഥാപാത്രമാണ് അമ്മച്ചി. ഇരട്ടക്കുഴൽ തോക്കും പിടിച്ച് വീൽച്ചെയറിൽ എത്തുന്ന അമ്മച്ചിയുടെ എൻട്രി പ്രേക്ഷകരെ അക്ഷരാർത്ഥത്തിൽ ഞെട്ടിച്ചുവെന്നാണ് പ്രതികരണം.

“എന്റെ തോക്കിലൊരു ഉണ്ട ലാഭം” എന്ന ഡയലോഗ് ഇതിനോടകം തന്നെ ശ്രദ്ധ നേടിക്കഴിഞ്ഞു. വരും ദിവസങ്ങളിൽ ഈ ഡയലോഗ് സമൂഹമാധ്യമങ്ങളിൽ വൈറലാകുമെന്നുറപ്പാണെന്ന് സിനിമാപ്രേമികൾ അഭിപ്രായപ്പെടുന്നു.

ജീൻ പോൾ ലാൽ, ഗിരീഷ് എ.ഡി, ബീന ആന്റണി എന്നിവരും ചിത്രത്തിലെ മറ്റ് കഥാപാത്രങ്ങളെയും മനോഹരമാക്കിയെന്നാണ് പ്രേക്ഷകരുടെ വിലയിരുത്തൽ. ജീൻ പോൾ ലാൽ, ഗിരീഷ് എ.ഡി, ബീന ആന്റണി എന്നിവരും തങ്ങളുടെ വേഷങ്ങൾ വളരെ സ്വാഭാവികമായി അവതരിപ്പിച്ചുവെന്നാണ് അഭിപ്രായം.

അതേസമയം ടൊവിനോ തോമസും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. അദ്ദേഹത്തിന്റെ സാന്നിധ്യവും സിനിമയ്ക്ക് അധിക ആകർഷണമായി മാറിയിട്ടുണ്ട്.

‘രോമാഞ്ചം’, ‘ആവേശം’ എന്നീ സൂപ്പർഹിറ്റ് ചിത്രങ്ങൾ സംവിധാനം ചെയ്ത ജിത്തു മാധവൻ ആണ് ‘ബാലൻ - ദ ബോയ്’യുടെ തിരക്കഥ ഒരുക്കിയിരിക്കുന്നത്. ജിത്തു മാധവന്റെ രചനയും ചിദംബരത്തിന്റെ അവതരണവും ചേർന്നപ്പോൾ വ്യത്യസ്തമായൊരു സിനിമാനുഭവമാണ് ചിത്രം നൽകുന്നതെന്നാണ് വിലയിരുത്തൽ.