സിഡ്‌നി സ്വീനിയും സ്കൂട്ടർ ബ്രൗണും പ്രണയത്തിൽ

APRIL 17, 2026, 9:59 PM

ഹോളിവുഡ് താരം സിഡ്‌നി സ്വീനിയും പ്രമുഖ മ്യൂസിക് പ്രൊഡ്യൂസർ സ്കൂട്ടർ ബ്രൗണും പ്രണയത്തിൽ. കഴിഞ്ഞ കുറച്ചു ആഴ്ചകളായി ഇരുവരെയും കുറിച്ച് സോഷ്യൽ മീഡിയയിൽ പ്രചരിച്ചിരുന്ന അഭ്യൂഹങ്ങൾക്കാണ് ഒരു ഇൻസ്റ്റാഗ്രാം സ്റ്റോറിയിലൂടെ ഇപ്പോൾ വ്യക്തത വന്നിരിക്കുന്നത്.

'യൂഫോറിയ' (Euphoria) സീസൺ 3-യുടെ പ്രീമിയറിനിടെ പകർത്തിയ ബ്ലാക്ക് ആൻഡ് വൈറ്റ് ചിത്രം പങ്കുവെച്ചുകൊണ്ട് 'ഭാഗ്യവാൻ' (lucky bastard) എന്നാണ് സ്കൂട്ടർ ബ്രൗൺ കുറിച്ചത്. 2025 സെപ്റ്റംബറിൽ വെനീസിൽ നടന്ന ജെഫ് ബെസോസിന്റെ വിവാഹ വിരുന്നിൽ വെച്ചാണ് ഇരുവരും ആദ്യമായി കണ്ടുമുട്ടിയതെന്നും തുടർന്ന് പ്രണയത്തിലായെന്നുമാണ് റിപ്പോർട്ടുകൾ.

തന്റെ സ്വകാര്യ ജീവിതത്തെയും പ്രണയത്തെയും കുറിച്ച് സിഡ്‌നി സ്വീനി അടുത്തിടെ മനസ്സ് തുറന്നിരുന്നു. പ്രണയത്തെ ഒരു 'ഡിസ്നി സിനിമ' പോലെയാണ് താൻ കാണുന്നതെന്നും പ്രശസ്തിക്കിടയിലും ചില കാര്യങ്ങൾ സ്വകാര്യമായി സൂക്ഷിക്കാൻ ആഗ്രഹിക്കുന്നുണ്ടെന്നും താരം വ്യക്തമാക്കി.

ബിസിനസ്സുകാരനായ ജോനാഥൻ ഡാവിനോയുമായുള്ള വിവാഹനിശ്ചയം 2025 മാർച്ചിൽ സിഡ്‌നി വേർപെടുത്തിയിരുന്നു. സ്കൂട്ടർ ബ്രൗണും തന്റെ മുൻ ബന്ധം അവസാനിപ്പിച്ച ശേഷമാണ് സിഡ്‌നിയുമായി അടുത്തത്.

നിലവിൽ പ്രൊഫഷണൽ രംഗത്തും സിഡ്‌നി സജീവമാണ്; 'യൂഫോറിയ'ക്ക് പുറമെ 'ദ ഹൗസ്‌മെയ്‌ഡ്‌സ് സീക്രട്ട്' (The Housemaid’s Secret) എന്ന പുതിയ പ്രോജക്റ്റിലും താരം അഭിനയിക്കുന്നുണ്ട്.