അല്ലു അര്ജുന് കേന്ദ്ര കഥാപാത്രമായ പുഷ്പ: ദി റൂള് 2024 ഡിസംബര് 6 ന് തിയറ്ററുകളില് എത്തുമെന്നാണ് നേരത്തെ അണിയറ പ്രവര്ത്തകര് അറിയിച്ചത്.
ഇപ്പോഴിതാ ചിത്രം നേരത്തെ എത്തുമെന്ന് അറിയിച്ചിരിക്കുകയാണ് അണിയറ പ്രവര്ത്തകര്. ഡിസംബര് ആറിനല്ല അഞ്ചിനാണ് ചിത്രം ലോകവ്യാപകമായി തിയേറ്ററില് റിലീസ് ചെയ്യാന് ഒരുങ്ങുന്നത്.
പുഷ്പ 2 വിന്റെ സംവിധായകന് സുകുമാറും പ്രൊഡക്ഷന് ബാനറായ മൈത്രി മൂവി മേക്കേഴ്സും അല്ലു അര്ജുനും ചേര്ന്ന് ചിത്രത്തിന്റെ പവര് പാക്ക്ഡ് ട്രെയിലര് നവംബര് രണ്ടാം വാരം പുറത്തുവിടുമെന്നും ചിത്രത്തിന്റെ അടുത്ത വൃത്തങ്ങളില് നിന്ന് മനസിലാക്കിയെന്ന് പിങ്ക് വില്ല അറിയിച്ചു.
2021-ലെ റിലീസിന്റെ തുടര്ച്ചയായതിനാല്, പുഷ്പ 2: ദി റൂളിന്റെ സ്കെയില് പുഷ്പ: ദി റൈസിനേക്കാള് പത്തിരട്ടി വലുതാണെന്നും ഇതില് നിന്ന് വ്യക്തമാണ്.
അല്ലു അര്ജുന് മികച്ച നടനുള്ള ദേശീയ പുരസ്കാരം നേടികൊടുത്ത പുഷ്പ ദ റൈസിന്റെ വിജയത്തിന് പിന്നാലെയാണ് സംവിധായകന് സുകുമാര് പുഷ്പ 2 ദ റൂളിന്റെ ചിത്രീകരണം ആരംഭിച്ചത്.
രശ്മിക മന്ദാനയാണ് ചിത്രത്തിലെ നായിക. സുനില്, പ്രകാശ് രാജ്, ജഗപതി ബാബു തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ദേവി ശ്രീ പ്രസാദാണ് സംഗീത സംവിധാനം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്